Oblys polıseıleriniń qatysýymen júrgizilgen sońǵy reıdter barysynda tótenshe jaǵdaı talaptaryn buzýdyń 331 deregi anyqtaldy. Bul týraly oblystyq polısııa departamentiniń baspasóz qyzmeti habarlaıdy.
Sońǵy táýlik ishinde 425 mekeme men oıyn-saýyq orny tekserilip, 51 quqyq buzýshylyq faktisi belgili bolǵan. Oblystyq mamandandyrylǵan ákimshilik soty 177 is qarap, 77 adamǵa aıyppul salynsa, 99 turǵyn ákimshilik qamaýǵa alyndy.
Kórineý jalǵan aqparat taratylǵan 11 derek boıynsha Qazaqstan Respýblıkasy Qylmystyq kodekstiń 274-baby 4-bóligimen sotqa deıingi tergep tekserý jumystary júrgizilýde.
Sonymen qatar, oblystaǵy 35 tosqaýyl beketi turaqty baqylaýda tur. Tótenshe jaǵdaı talaptaryna sáıkes júrgizilgen sharalar nátıjesinde qylmys deńgeıi 43 paıyzǵa, al jol – kólik oqıǵalary 25 paıyzǵa azaıyp otyr.