Sońǵy táýlikte tynshyp qalǵandaı kóringen vırýsqa Qyzylordadan búgin taǵy 3 adam shaldyǵypty. Bir qýanarlyǵy, burynǵydaı dertti toptap juqtyrýdyń beti qaıtqan sııaqty. Bul túrli shekteý sharalary men mamandardyń tynymsyz jumysynyń nátıjesi.
О́ńirlik kommýnıkasııalar qyzmeti alańynda brıfıng ótkizgen oblystyq densaýlyq saqtaý basqarmasynyń basshysy Jaqsylyq Ábdisámetov jańadan tirkelgen naýqastar jaıly tarata aıtty.
- Úsh naýqastyń bireýi Jańaqorǵan aýdanynan, al ekeýi Shıeliden tirkelip otyr. Bular buryn naýqaspen qarym-qatynasta bolǵandar retinde karantındik baqylaýǵa alynǵan. Qazir úsheýi de aýrýhanaǵa jatqyzylyp, tıisti emdeý sharalary bastaldy. Osymen oblysta vırýs juqtyrǵandar sany 119-ǵa jetti, – dedi oblystyń bas dárigeri.