Adam aǵzasyna alkogoldik ishimdikterdiń keltiretin zııany týraly taqyryp ár kezde, ásirese búkil álem COVID-19 pandemııasynan zardap shegip otyrǵan qazirgi ýaqytta da ózektiligin joımaı otyr. Búginde «Koronavırýs ınfeksııasynan qalaı saqtanýǵa bolady?» degen suraq adamdardy kóp tolǵandyratyn boldy.
Adamdardyń jekelegen toptary arasynda spırt pen alkogol koronavırýs ınfeksııasy sekildi adam ómirine qaýipti aýrýdan saqtaı alady degen pikir qalyptasqan. Bul pikirler ınfeksııa kezinde qoldy, qolmen ustalatyn zattardy spırt eritindisimen nemese quramynda spırti bar maılyqtarmen tazalaý qajettigi týraly nusqaýlarǵa súıene otyryp, alkogol ishimdikterin qabyldaǵan da durys degen oıǵa negizdelip otyr.
Almatydaǵy Kardıologııa jáne ishki aýrýlar ǴZI kúndizgi stasıonar meńgerýshisiniń mindetin atqarýshy, terapevt dáriger Gaýhar Qojakeevanyń aıtýynsha, osy ınfeksııany emdeýde alkogoldiń tıimdiligi týraly pikir qate. Spırtti eritindiler jáne quramynda spırti bar maılyqtar spırttiń ártúrli suıyqtyqtar men maılarda jaqsy erigishtik qasıetiniń bolýynan zattardy tazalaý úshin paıdalanylady. Sondyqtan, ony paıdalaný qorǵanýdyń basqa sharalaryna qaraǵanda tıimdirek. Spırttiń kómegimen qolmen lastanǵan, ıaǵnı teriden bólinetin, quramynda maıy bar zattar jaqsy tazalanady. Maılar mıkroorganızmderdiń taralýynaqolaıly orta bolyp tabylady. Sondyqtan da teriden bólinetin maılar spırtte tez erıtindikten, túrli medısınalyq áreket kezinde spırt terini maılyqtarmen zalalsyzdandyrylady.
Búginde qaýipti ınfeksııany juqtyrýdan qorqý jaǵdaıynda keıbir adamdar alkogolónimderinsatyp ala bastady.
«Halyq emi» dep atalatyn ádiste kóbine azdaǵan spırt qoldanylady. Alaıda bul ádister, ádette birneshe quramnan turady. Biraq alkogol ishimdikteri adamdy koronarovırýs ınfeksııasynyń taralýy men juqtyrýynan saqtaı almaıdy.
Mamandar spırttiń quramynyń joǵary bolýy vırýstardy joıa alatyndyǵyn joqqa shyǵarmaıdy. Alaıda bul ishimdikke qumarlyqty týdyra otyryp, adam densaýlyǵy qaýipti bolatyndyǵyn esten shyǵarmaýymyz kerek. Osynyń saldarynan tipti kisi óliminiń bolýy da ǵajap emes. Koronavırýs sımptomdary onsyz aǵzanyń qatty ýlanýyna ákeledi, al ishimdikti paıdalaný osy prosesti ýshyqtyrýǵa jáne aǵzanyń saýyǵyp ketýine keri áserin berýi múmkin. Alkogoldiń jartysy ókpe arqyly shyǵarylady jáne kez kelgen ınfeksııada, onyń ishinde koronavırýs ınfeksııasynda, ásirese onymen qosa shylym shegiletin bolsa, kerisinshe, asa qaýipti.
Osy keńes úı karantıninde jatqan adamdarǵa arnalǵan, sebebi halyqtyń bul bóligi de qazirgi kezde asa osal bolyp otyr. Alkogoldi paıdalaný júrekke qosymsha aýyrlyq keltiredi, bul adam densaýlyǵy úshin, onyń ishinde júrektiń toqtap qalýyna ákelip soqtyratyn qaýipti faktor. Sonymen qatar alkogol bakterııalar men vırýstardyń taralýyna qolaıly ortany qalyptastyryp, aǵzanyń túrli aýrýlarǵa qarsylasýyn azaıta otyryp,ımmýnıtetti álsiretedi.
Joǵaryda aıtylǵandardy qorytyndylaı otyryp, koronavırýs ınfeksııasy kezinde alkogol ishimdikteriniń qorǵaı almaıtyndyǵyn jáne olardyń adamnyń saýyǵýyna áser etpeıtindigin aıtqymyz keledi.
Túshkirý, tamaqtyń aýyrýy jáne jybyrlaýy, qurǵaq jótel, murynnyń bitýi, deneniń aýyrýy, dene qyzýynyń joǵarylaýy, tynys alýdyń qıyndaý belgileri paıda bolǵan jaǵdaıda shuǵyl túrde dárigerdi shaqyrý qajet, al dáriger, óz kezeginde naqty pasıentti ári qaraı emdeýdiń taktıkasyn anyqtaıtyn bolady.
ALMATY