Aqtóbe oblysynda polıseıler eriktilermen birge TJ rejımin baqylaýdy jalǵastyrýda dep habarlaıdy Polisia.kz.
13 sáýirge deıin tártip saqshylary oblysta rejım buzǵan 325 derekti anyqtady. QR ÁQBtK 476 baby boıynsha (TJ rejımin buzý) – 298 adam ustalsa, onyń 63-i qamaýǵa alyndy. 117 adamǵa aıyppul salynyp, 60 turǵynǵa eskertý jasaldy. 51 materıal sotqa ketti.
Kóbine TJ rejımin buzýshylar – dúken ıeleri. Sebebi olar belgilengen merzimnen artyq jumys isteýin toqtatpaıdy. Mundaı derekter 100-den asyp jyǵylady. Olardyń barlyǵy ákimshilik jaýapqa tartyldy. QR ÁQBtK 478-babyna qatysty (TJ rejıminde tártip buzýǵa ıtermeleıtin is-áreketter) 27 derek bar. Sol boıynsha 14 adamǵa aıyppul salynyp, 12-si qamaýǵa alyndy. TJ jarııalanǵaly qansha ýaqyt ótse de, blok-beketterdi zańsyz aınalyp ótýshiler de azaımaı tur. Aqtóbe oblysynda ondaı 16 jaǵdaı tirkeldi. 4 adam qamaýǵa alynyp, 2-eýi aıyppul tóleýge májbúr boldy. 10 materıal sotqa jiberildi. Mysaly, 12 sáýir kúni Kıselev kóshesinde 24 jastaǵy jigittiń QR ÁQBtK-niń 476-babynyń 6-tarmaǵyn (TJ rejımin buzý) buzǵany belgili boldy. Mamandandyrylǵan ákimshilik sot oǵan 10 AEK mólsherinde ákimshilik aıyppul saldy (27.780 teńge).
Polısııa departamenti qala turǵyndaryn karantınge qatysty qabyldanyp jatqan sharalarǵa túsinistikpen qaraýǵa shaqyrady. Osy tártipterdiń bári ınfeksııany taratpaýdyń aldyn alý úshin jasalyp otyr. Qaýipsizdik sharalaryn saqtaýdy, jeke qorǵaný quraldaryn (maskalar men medısınalyq qolǵaptar) kıip júrýdi, asa qajetsiz jaǵdaıda dalaǵa shyqpaýdy suraımyz. О́zińizdi jáne jaqyndaryńyzdy qorǵańyz.