Koronavırýs indetiniń taralýyna baılanysty skaıp arqyly ótken shuǵyl brıfıngte Aqmola oblystyq densaýlyq saqtaý basqarmasynyń basshysy Súlen Ilııasov málimdeme jasady.
О́ńirimizde 13 sáýirde koronavırýs indetine qatysty kóz jumǵan taǵy bir oqıǵa tirkeldi. Ol áleýmettik qyzmet kórsetý ortalyǵynda turǵan 1936 jyly týǵan er adam. Naýqas 5 sáýirden bastap Kókshetaý qalasyndaǵy temirjol aýrýhanasyndaǵy provızorlyq stasıonarda karantınde jatqan. 9 sáýirde odan koronavırýs indeti rastalyp, Aqmola oblystyq týberkýlezge qarsy kúres dıspanseriniń ınfeksııalyq bólimine emdelýge jatqyzylady. Naýqastyń dıspanserge qabyldanǵan kezindegi densaýlyq jaǵdaıy óte aýyr bolǵan. Sondyqtan, ókpesi jasandy jeldetý qurylǵysyna qosylǵan.
Naýqasta eki jaqty jappaı pnevmonııa ári onyń tez damıtyn óte aýyr túri jáne vırýstyq etıologııa, arterıaldy gıpertonııa, júrektiń ıshemııalyq aýrýy syndy ilespe aýrýlar bolǵan.
Aqmola oblysyna qatysty koronavırýs jaǵdaıy boıynsha búginde aýrýhanada 347 naýqas, onyń ishinde ınfeksııalyq bólimde 67, provızorlyq stasıonarda 184, karantınde 96 adam bar. Al, úı jaǵdaıyndaǵy karantınde 662 adam baqylaýda.
Jalpy, óńirimizde 71 adamda koronavırýs tirkelgen, onyń ishinde 4-eýi osy indetten qaıtys boldy.
Aqmola oblysy