Tótenshe jaǵdaı jarııalanǵaly elimizde «Azamattarǵa arnalǵan úkimet» korporasııasynyń 1414 baılanys ortalyǵyna qońyraý shalatyndardyń sany artqan. Bul oraıda mamandar úılerinde otyryp-aq, barlyq suraqtarǵa jaýap berýde.
Mysaly, Túrkistan oblysynyń baılanys ortalyǵynda jumys isteıtin 128 qyzmetkerdiń biri erli-zaıypty Murat pen Jazıra qashyqtan jumys isteý tártibi boıynsha, úılerinen halyqqa qyzmet kórsetýde. Murat Barlybaevtyń aıtýynsha, sońǵy kezderi keńes surap habarlasatyndardyń basym bóligin memleket tarapynan beriletin kómek, bankterden shot ashý jáne elektrondy qoltańba alý syndy máseleler mazalaıdy. Iаǵnı, memleket tarapynan bólinip jatqan 42500 teńge boıynsha kúnine 150-200 qońyraý túsedi eken. «Azamattarǵa arnalǵan úkimet» MK» AQ-nyń oblystyq fılıalynyń resmı ókili Amantaı Egemberdıev tótenshe jaǵdaı jarııalanǵaly beri oblysta 80 myńnan astam azamatqa onlaın qyzmet kórsetilgenin aıtady. Onyń 51 myńyna uıaly telefony arqyly qyzmet kórsetilse, qalǵanyna beıneqońyraý arqyly túsindirilgen.
Túrkistan oblysy