Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly jáne Qazaqstandaǵy Orys Pravoslav Shirkeýiniń Mıtropolıttik Okrýgtyń Basshysy, Astana jáne Qazaqstan Mıtropolıti Aleksandr Ortalyq kommýnıkasııalar qyzmetindegi brıfıngte barlyq dindar azamattardy tótenshe jaǵdaı sharttaryna túsinistikpen qaraýǵa jáne dinı merekelerdi toılaý kezinde barlyq karantındik sharalardy saqtaýǵa shaqyrdy.
«Siz ben bizdiń mindetimiz – tótenshe jaǵdaıda tózimdilik tanytyp, tazalyq sharalaryna asa mán berip, ózimizdi, otbasymyzdy indetten aman saqtaý. Juqpaly indetpen oqshaýlanyp kúresýimiz kerek. Qazaqstan musylmandary dinı basqarmasy elimizdegi tótenshe jaǵdaıǵa baılanysty qasıetti Ramazan aıynda indettiń taralýynyń aldyn alý maqsatynda karantın merziminde taraýyq namazyn meshitterimizde jamaǵatpen oqylmaıtynyn málimdeıdi. Árkim taraýyq namazyn óz shańyraǵynda otbasy múshelerimen oqýyna keńes beremiz. Biz osylaı oqshaýlaný arqyly juqpaly indetti jeńemiz», - dedi Naýryzbaı qajy.
Onyń aıtýynsha, QMDB tótenshe jaǵdaı kezinde onlaın-ýaǵyzdar men dáristerdiń arnaıy kestesin bekitti. Sondaı-aq, dindarlardy qyzyqtyratyn barlyq suraqtarǵa jedel jaýap berý úshin call-center ashyldy: (7172) 33-30-30.
О́z sózinde Bas múftı qasıetti Ramazan aıy 25 sáýirde bastalyp, 29 kúnge sozylatyndyǵyn eske saldy. Oraza aıt 24 mamyrda toılanady.
«Qazirgi ýaqytta qajetti karantındik sharalardyń áserinen hramdarǵa kirý ýaqytsha shekteldi. О́kinishke oraı, bıyl kóptegen prıhodshylar Pashany úıde, ózin-ózi oqshaýlaý jaǵdaıynda atap ótedi. Biraq esimizde bolsyn: eshkim Pashanyń shynaıy qýanyshyn senetin júrekten julyp ala almaıdy. Úıde birigip duǵa etý, rýhanı ádebıetterdi oqyp, aqyrynda qudaıdyń qyzmetteri týraly habarlardy kórý bizge merekelerdiń Merekesine qosylýǵa kómektesedi», - dedi mıtropolıt Aleksandr.
Ol Pasha túninde «Evrazııa birinshi arnasynda» Almatydaǵy Voznesensk kafedraly shirkeýinen merekelik qyzmettiń tikeleı translıasııasy ótetindigin aıtty. Sondaı-aq, elimizdiń óńirlerinde Pasha qyzmetteri týraly habarlar Qazaqstannyń barlyq eparhııalarynyń negizgi shirkeýlerinen beriledi.
Aıta ketý kerek, bıylǵy jyly basty hrıstıan merekesi - Qasıetti Hrıstostyń qaıta tirilýi - 18-nen 19 sáýirge qaraǵan túni atap ótiledi.