Bas áskerı prokýror Dastan Sartaev úndeý joldady. Bul týraly «Batys» óńirlik qolbasshylyǵy baspasóz qyzmeti habarlady.
«Qurmetti azamattar! Bizdiń elimiz búkil álem sııaqty, halyqtyń ómiri men densaýlyǵyna, saıası jáne ekonomıkalyq júıelerdiń turaqtylyǵyna nuqsan keltirgen COVID-19 koronavırýs pandemııasyna tap boldy.
Osyǵan oraı Qazaqstan Respýblıkasy Prezıdentiniń Jarlyǵymen eldiń barlyq aýmaǵynda tótenshe jaǵdaı rejımi engizildi, al keıbir qalalar men eldi mekenderde shekteý sharalarymen baılanysty karantın jarııalandy.
Bul sharalar atqarýshy, quqyq qorǵaý, medısınalyq, áskerı jáne basqa da memlekettik organdardyń kúshimen qamtamasyz etiledi.
Qazirgi ýaqytta Ulttyq ulan bólimsheleriniń, UQK Shekara qyzmetiniń, sondaı-aq Qazaqstan Respýblıkasy Qarýly Kúshteriniń radıasııalyq, hımııalyq jáne bıologııalyq qorǵaý, medısınalyq jáne basqa da ásker túrleri men tekteriniń áskerı qyzmetshileri vırýstyń baqylaýsyz taralýyna jol bermeý, kúsheıtilgen karantındik sharalar men qoǵamdyq quqyqtyq tártipti qamtamasyz etý úshin táýlik boıy qyzmet atqarýda.
Memleket basshysy óz málimdemesinde: «Biz úreıge jol bermeımiz, jáne bul jaǵdaıda azamattar memleketke qoldaý kórsetýi tıis. Qazir bul burynǵydan da mańyzdy. Búginde búkil el qazaqstandyq dárigerler men medısınalyq qyzmetkerlerdiń erligi men turaqtylyǵyna tańdanýda. Olar ómirdi qutqaryp júrgen naǵyz batyrlar. Polısııa qyzmetkerleri, sondaı-aq áskerı qyzmetshilerge de erekshe alǵys aıtamyz» dedi.
О́z tarapymyzdan Otan ıgiligi úshin bizdiń áskerı qyzmetkerlerimizge olardyń aıbyndy jáne janqııarlyq qyzmeti úshin rızashylyǵymyzdy jáne qoldaýymyzdy bildirgim keledi. Sizderge myqty densaýlyq pen turaqtylyq tileımin!
El azamattaryn qalyptasqan jaǵdaıdy túsinip, biz úshin qıyn ýaqytta quqyqqa qarsy áreketterge jol bermeýge shaqyramyn.
Osy kúrdeli kezeńde árbir qazaqstandyqtyń qoldaýy mańyzdy bolyp qalýda, biz eldegi qalyptasqan jaǵdaıǵa túsinistikpen qarap, aýyzbirshilik tanytýymyz kerek. Qoǵamnyń kúshi men ózara kómek kórsetýdiń senimdiligi yntymaqtastyqta ekenin este saqtaý qajet.
Biz birgemiz!» delingen óńirlik qolbasshylyq joldaǵan málimette.
Mańǵystaý oblysy