Túlkibas aýdanynda úı irgesindegi baý-baqshany aǵyn sýmen qamtamasyz etý ózekti máselelerdiń biri bolatyn. Turǵyndar tarapynan jıi kóteriletin bul máseleni sheshý maqsatynda aýdan ákimi Nurbol Turashbekovtiń bastamasymen birqatar jumystar iske asyrylýda.
Sonyń biri — demeýshilerdi tarta otyryp, aryq-atyzdy tazalaý. Osy oraıda aýdan aýmaǵyndaǵy 108,3 shaqyrym bolatyn 32 kanalǵa mehanıkalyq tazalaý jumystary júrgizilýde. Nátıjesinde 2997 gektar jerge aǵyn sý baryp, 2960 úıdiń irgelik jerleri qaıta aınalymǵa qosylatyn bolady. Bul baǵyttaǵy jumystyń jandanǵanyna, ásirese, úı irgelik jerlerine egin egip, ónim alýyna múmkindik týatyn aýyl turǵyndary dán rıza.
Túrkistan oblysy