Memleket basshysynyń tapsyrmasy aıasynda qańtardan bastap Túrkistan oblysy boıynsha az qamtamasyz etilgen otbasylardyń balalaryna ataýly áleýmettik kómekpen qosa kepildendirilgen áleýmettik toptama berilýde.
Toptamanyń quramyndaǵy azyq-túlikter men gıgıenalyq quraldar balalardyń jasyna qaraı bekitilgen. Bıyl oblysta az qamtylǵan otbasylarǵa arnalǵan ataýly áleýmettik kómek úshin 23,1 mlrd teńge, kepildendirilgen áleýmettik toptamaǵa 6,9 mlrd teńge bólingen. Bıyldyń 1-toqsanynda 19,8 myń otbasyǵa nemese 111,9 myń adamǵa 2,3 mlrd teńge kóleminde AÁK taǵaıyndaldy. Sondaı-aq, 1 jastan 6 jasqa deıingi jalpy sany 25 125 balaǵa 319,2 mln teńge kóleminde kepildendirilgen áleýmettik toptama berilgen. Onyń ishinde, aı saıyn 1 jas pen 3 jas aralyǵyndaǵy - 10 074 búldirshinge jáne 3 - 6 jas aralyǵyndaǵy - 15 051 baldyrǵan men balaýsaǵa azyq-túlik úlestirilse, 1-6 jastaǵy - 24 919 balaǵa gıgıenalyq jıyntyq berilgen.
Túrkistan oblysy