Búginde Indýstrııa jáne ınfraqurylymdyq damý mınıstrligi jańa AEA jáne IA qurý boıynsha belsendi jumys júrgizýde, dep habarlady IIDM baspasóz qyzmeti.
О́tken jyly Túrkııanyń iri uıymdasqan ónerkásiptik aımaǵy Gebze (GOSB) men «Aqtóbe» ÁKK basshylyǵy birlesken ındýstrııalyq aımaq qurý týraly memorandýmǵa qol qoıdy. Qazir jobany júzege asyrý maqsatynda zańnamalyq aktilerge («Arnaıy ekonomıkalyq jáne ındýstrııalyq aımaqtar týraly», «Sáýlet, qala qurylysy jáne qurylys qyzmeti týraly», «Tehnıkalyq retteý týraly», «Ruqsattar jáne habarlamalar týraly», «Standarttaý týraly») tıisti ózgerister men tolyqtyrýlar engizý múmkindigi pysyqtalýda. Túzetýler erekshe ındýstrııalyq aımaq uǵymyn engizýdi jáne erekshe ındýstrııalyq aımaq aýmaǵynda halyqaralyq standarttardy qoldaný, jobalaý jáne qurylys jumystaryn júrgizý kezinde shetel memleketteriniń standarttaryn paıdalaný múmkindigin kózdeıdi.
GOSB modeli boıynsha ındýstrııalyq park salý kadrlardy oqytý jáne olardyń biliktiligin arttyrý úshin tehnıkalyq ýchılısheler qurýdy maqsat etedi. Oǵan qosa logıstıkalyq kompanııalar da kiredi. Indýstrııalyq park pen shyǵarylatyn ónim kólemi neǵurlym kóp bolsa, mundaı kompanııalardyń qyzyǵýshylyǵy da arta túsedi. Osylaısha aımaqta jańa jumys oryndary ashylyp, bıýdjetke baǵyttalatyn túsimder áleýmettik salaǵa oń áserin tıgizedi.
Kelesi iri jobalardyń biri «Baıqońyr» kesheniniń aýmaǵy men Tóretam jáne Aqaı eldi mekenderinde «Baıqońyr» AEA qurý bolyp tabylady. Osy bastamany iske asyrý úshin Qazaqstan Respýblıkasy men Reseı Federasııasy arasyndaǵy úkimetaralyq kelisimniń jobasy ázirlendi.
Jobanyń negizgi maqsaty ındýstrııalyq-ınnovasııalyq, onyń ishinde ǵarysh qyzmeti salasyndaǵy áleýetti damytý. Sondaı-aq qolaıly ınvestısııalyq orta qurý, otandyq jáne sheteldik ınvestısııalar men qazirgi zamanǵy tehnologııalar transfertin tartý, jumyspen qamtý, halyqtyń ómir súrý deńgeıin jáne qazaqstandyq jáne reseılik mamandardyń biliktiligin arttyrý, jańa jumys oryndaryn qurý, ǵarysh jáne kólik-logıstıkalyq qyzmet salasyndaǵy halyqaralyq yntymaqtastyqty damytý.
Budan basqa, halyqaralyq týrızmdi damytýǵa erekshe nazar aýdarylatyn bolady, qalada halyqaralyq standarttarǵa sáıkes keletin qonaq úıler, murajaılar, pavılondar, ǵaryshtyq zymyrandardyń ushýyn baqylaý úshin arnaıy alańdar salynady.
Sonymen qatar, Shymkent qalasynda «SHYMKENTCITY»AEA qurý josparlanyp otyr. AEA rejımi tek qurylys salasynda júrgiziledi jáne 2030 jylǵa deıin qyzmet etedi. Osy aralyqta shaǵyn aýdandaǵy barlyq qurylys jumystaryn aıaqtaý kózdelip otyr. Jańa arnaıy ekonomıkalyq aımaqty qurý qurylys kompanııalary úshin úlken qoldaý bolmaq, shaǵyn aýdan salý qarqynyn jedeldetedi, ınvestısııa kólemin arttyrady. Qazirgi ýaqytta bıýdjet shyǵyndaryn esepteý pysyqtalýda jáne «SHYMKENTCITY»AEA qurý týraly» QR Úkimeti qaýlysynyń jobasy ázirlendi.
Aıta ketý kerek, aǵymdaǵy jyldyń basynan bastap arnaıy ekonomıkalyq jáne ındýstrııalyq aımaqtardy damytý maqsatynda birneshe normatıvtik - quqyqtyq aktiler ázirlenip, bekitildi. Mysaly, QR Úkimetiniń Qaýlysymen «Aqtaý teńiz porty» AEA aýmaǵy 130 gektarǵa keńeıtildi,sondaı-aq demalys pen oıyn-saýyqty uıymdastyrý boıynsha qyzmet túrleritolyqtyryldy. Budan basqa, kópbeıindi aýrýhana salý úshin «Astana – Tehnopolıs» AEA jáne»Qyzyljar» AEA aýmaqtary keńeıtildi.
Budan bólek, «TURKISTAN» arnaıy ekonomıkalyq aımaǵynyń qyzmet túrleri keńeıtildi. Túrkistan qalasynyń halyqaralyq áýejaıyn, onyń ishinde áýeaılaq, aerovokzal jáne ushý-qoný jolaqtaryn jobalaý-smetalyq qujattamaǵa sáıkes salý jáne paıdalanýǵa berý, sondaı-aq áýejaılar men áýe qozǵalysyn basqarý; termınaldardyń, áýejaılardyń qyzmeti; áýeaılaqtarda jerde qyzmet kórsetýmen baılanysty qyzmet qosyldy.