Bul, árıne tótenshe jaǵdaı kezinde mekeme ǵımarattaryna adamdardyń kóp shoǵyrlanýyn boldyrmaý maqsatynda qolǵa alynǵan shara. Sondaı-aq, «Qazposhta» AQ Túrkistan oblysy boıynsha fılıaly 94 208 azamatqa esepshot ashyp, memleket tarapynan beriletin 42 500 teńge járdemaqyny alýyna jaǵdaı jasaǵan. Búginge deıin olardyń 20 087-si tıisti qarajatyn alypty.
Zeınetkerlerge qyzmet kórsetý barysynda mamandar sanıtarlyq tazalyqty tıisti deńgeıde saqtap, qaýip tóndirmeý sharalaryn barynsha ustanǵan.
«Barlyq qyzmetker sanıtarlyq talaptarǵa saı jabdyqtaldy. Basqarma qyzmetkerleri, operatorlar, hat tasýshylar, suryptaýshylar, kólik júrgizýshileri men ınkassatorlardyń barlyǵy derlik betperdeler, qolǵaptar jáne antıseptıktermen qamtyldy. Múmkindigi shekteýli jáne jasy 80-nen asqan azamattarǵa zeınetaqy men járdemaqylary meken-jaılaryna arnaıy saqtyq kıimmen qamtylǵan mobıldik toppen jetkizildi. Zeınetaqy alýshylardyń qyzmet alý barysynda betperde kıip, ózara 2 metr araqashyqtyq saqtaýy baqylaýda boldy», deıdi oblystyq fılıal dırektory Baqytjan Ysqaq.