Qostanaı temir jol vokzaly aldyndaǵy ashyq alańda turǵan bıýst Bı-aǵanyń 100 jyldyq mereıtoıyna oraı osydan 26 jyl buryn ornatyldy. Qalamgerdiń qolyna kitap ustap oılanyp turǵan sáti beınelengen bıýstiń bıiktigi - bir jarym metr. Mystan quıylyp, mármármen qaptalǵan eki metrlik tas tuǵyrǵa qondyrylǵan.
Sońǵy biraz jyl boıy jazda jaýyn uryp, qysta aıaz qysqan eńseli eskertkishtiń astyńǵy qabatyndaǵy tuǵyry tozyp, mármár qaptamalary qulap, búıiri kedir-budyr suryqsyz keıipke engen edi.
Bul oblys turǵyndarynyń da, syrttan saparlap kelgen kóziqaraqty qala qonaqtarynyń da narazylyǵyn týdyryp, ákimdiktegilerge kóptegen syn aıtylǵan. Eshten kesh jaqsy. Kún raıy ońalysymen, qala ákimdigi eskertkish tuǵyryn qaıta qaptaýǵa kirisip ketti.
Qostanaı