Medıa beIN Sports saıtynda ár jyldary Anglııa Premer-lıgasynda (APL) óner kórsetken Reseıdiń eń úzdik fýtbolshylarynyń tizimi jarııalandy.
Úzdikter kóshin – Andreı Kanchelskıs bastap tur. О́ziniń sporttyq karerasyn týǵan jeri – Ýkraınanyń Kırovograd qalasynda bastaǵan ol sekseninshi jyldardyń sońy men toqsanynshy jyldardyń basynda Kıevtiń «Dınamo» jáne Doneskiniń «Shahter» klýbtarynda oınady. 1991 jyly Tumandy Albıon eline sapar shegip, dańqty «Manchester Iýnaıtedtiń» sapynda óner kórsetti. Tórt maýsymda 123 ret jasyl alańǵa shyqqan Kanchelskıs 43 goldyń avtory atandy. Eki ret APL-dyń chempındyq tájine qol jetkizdi. Keıinnen Anglııanyń «Everton», «Saýtgempton», «Manchester Sıtı», Italııanyń «Fıorentına», Shotlandııanyń «Reındjers» jáne taǵy basqa chempıonattarynda baq synady. Sonymen qatar, KSRO, TMD jáne Reseı quramalarynyń namysyn qorǵady.
Andreı Kanchelskısten bólek, APL-da tabysty óner kórsetken «TOP-5» fýtbolshynyń qataryna Andreı Arshavın («Arsenal», 2008-13), Alekseı Smertın («Portsmýt», «Chelsı», «Charlton», «Fýlhem», 2003-08), Roman Pavlıýchenko («Tottenhem», 2008-2012) jáne Iýrıı Jırkov (2009-2011) enip otyr.