Memleket basshysy Q.Toqaev Tótenshe jaǵdaı jónindegi memlekettik komıssııanyń otyrysynda sóılegen sózinde qazaqstandyqtardyń áleýmettik ál-aýqaty, ekonomıkalyq jaǵdaı tutastaı alǵanda áli de kúrdeli ekendigin atap ótti.
15 sáýir kúni Tótenshe jaǵdaı engizý týraly Prezıdent Jarlyǵynyń merzimi aıaqtalady. Biraq indettiń taralýy men adamdar qazasynyń statıstıkasy Tótenshe jaǵdaı rejimin kem degende sáýir aıynyń sońyna deıin sozýǵa týra keletinin aıqyn baıqatty. Koronavırýs aýrýynyń sharyqtaý sheginen áli ótken joqpyz. Osy sebepti Prezıdent elorda, Almaty, Shymkent qalalarynda jáne tıisti oblystarda karantın rejimin sáýir aıynyń sońyna deıin uzartýdy tapsyrdy.
Barlyǵymyzdyń ádettegi ómirimizdi qalpyna keltirip, úıden shyqqymyz keletinin túsine otyryp, Memleket basshysy karantındi, ózin-ózi oqshaýlaý tártibin saqtaýdan basqa amal joq bolǵandyqtan bul qıyn sheshimdi qabyldaýǵa májbúr boldy. Prezıdenttiń árbir sózinde jaǵdaıdyń qanshalyqty mańyzdy ekendigin, máselege jeńil-jelpi qaraýǵa bolmaıtyndyǵyn baıqatty. Sondyqtan da Q.KToqaevtyń aıtýynsha, karantın kezinde biz azamattardan úıde bolýdy talap etemiz. Iá, oqshaýlaný ońaı emes, bizdiń ómirimizde bundaı jaǵdaı buryn oryn almaǵan. Biraq bul óte qajetti shara, ókinishke qaraı basqa jol joq. Bul otandyq jáne halyqaralyq vırýsolog mamandardyń usynystary. Bulaı jasamasaq, Prezıdent aıtpaqshy jaǵdaıdy ýshyqtyryp alamyz, indet beleń alyp, barsha ultymyzdyń densaýlyǵyna, sondaı-aq ulttyq qaýipsizdikke qaýip tónedi.
Búginde shaǵyn jáne orta bıznestiń jaǵdaıyna alańdaýshylyq bildirý durys, biraq eger biz zulym vırýstyń taralý qaýpin jeńe almasaq, onda ShOB jáne búkil ekonomıkanyń múddeleri óz mańyzyn joǵaltady.
Sonymen birge Úkimetke ákimdermen tyǵyz baılanys ornata otyryp, elimizdiń eki iri qalasynda shaǵyn jáne orta bıznesti toqyraýdan birtindep órkendeýge alyp shyǵý úshin, eń aldymen olardyń árqaısysymen jeke-jeke júıeli jumys júrgizýdi tapsyrdy. Buǵan deıin aıtylǵan barlyq usynystardy eskerý qajet.
Bizdiń aldymyzda eki mindet tur – azamattarymyzdyń densaýlyǵy úshin karantındi saqtaý, sonymen birge kásiporyndardy jeke-jeke jumys rejimine aýystyrý.
Sondaı-aq bul úlken qaýip ekenin túsiný kerek. Bul jaǵdaıda oblystar men ortalyqqa baǵynystaǵy qalalar basshylarynyń jaýapkershiligi birneshe ese artady. Prezıdent atqarýshy bılikten sheshimderdi ázirleý men qabyldaýda baıypty bolýdy jáne berilgen tapsyrmalardy oryndaýda barynsha jaýapkershilikti kúsheıtýdi talap etti.
Memleket basshysy osy qıyn-qystaý kezeńde óz is-áreketinde myqty, erik-jigerli, jaýapkershilikti jáne baısaldy kóshbasshynyń shynaıy qasıetterin kórsete otyryp, tereń adamgershilik tanytty. Prezıdent halyqtyń barlyq shaǵymdarynan habardar. Sonymen birge daǵdarys barlyq kemshilikterdi kórsetýmen qatar, onyń biz paıdalanýymyz qajet úlken múmkindik ekenin de baıqatty. Sondaı-aq kemshilikterdi de ýaqtyly túzetý qajet. Prezıdent eldiń barlyq azamattaryna túsinistik, shydamdylyq pen tabandylyq kórsetkeni úshin alǵys bildirdi.
Zarema ShÁÝKENOVA,
Qazaqstan Respýblıkasy Prezıdenti janyndaǵy QSZI dırektory