«Taqtar oıyny» serıalynda Tormýndtyń rólimen tanylǵan Krıstofer Hıvıý men áıeli COVID-19 vırýsynan aıyqty. Akter ózine qoldaý kórsetken barlyq jaqyndary men fanattaryna Instagram arqyly alǵys aıtty.
– Biz ınfeksııadan tolyq aıyqtyq. Birneshe apta qabyldaǵan em jaqsy nátıje berdi, qazir ózimizdi jaıly sezinemiz. Qoldaý kórsetkenderińiz barshańyzǵa zor alǵys. Koronovırýstyń saldarynan jaqyndarynan aıyrylǵan jandarǵa kóńil aıtamyz, – dedi akter.
Krıstofer Hıvıý «Taqtar oıynynan» bólek «Forsaj» franshızasynda mańyzdy rólderdiń birin somdaǵanyn aıta ketý kerek. Ol «Vedmak» serıalynyń ekinshi maýsymyna túsip jatqanda ózin jaısyz sezinip, keıin vırýs juqtyrǵany anyqtalǵan bolatyn.