Búgin, 15 sáýir – Qozy Kórpesh – Baıan Sulý kúnidesedi. «Azamattarǵa arnalǵan úkimet» memlekettik korporasııasy talaı jastyń mahabbatynyń kýási bolyp, jas shańyraqtardyń qataryn kóbeıtýge óz úlesin qosyp kele jatqan tamasha bir mekeme.
Olaı deıtinimiz, Almaty qalasy fılıalynyń ózinde, onyń barlyq aýdandaryndaǵy front-ofısteri men bek-ofısterinde, mamandandyrylǵan HQO-larynda 2 myńǵa jýyq maman isteıdi. Onyń 70 paıyzy jastar. Joǵary oqý ornyndary men kolledjderden mamandyq alǵan jastar, eńbek jolyn HQO-larda bastap jatady. Árıne, otbasylyq ómirleri de osy jerden bastalatyndar az emes.
Oǵan dálel, jyl saıyn Almaty fılıalynyń ózinde 25-30 otbasy qurylyp jatady. Osy jyly da mahabbattyń qudiret kúshimen, karantınge deıin bas qurap, otaý tigip úlgergender bar.
Úıde de, jumysta da birge jubyn jazbaı, birge ómir súrip kele jatqan juptarǵa mahabbat merekesinde habarlasyp, karantın kezindegi hal-jaıyn suraǵan edik.
Birinshi jup – Ámirhan Aqylbek bek Qasym Altynaı
Ámirhan Aqylbek pen Qasym Altynaı Túrksib aýdandyq front-ofısiniń mamandary. Ekeýi jaqynda ǵana shańyraq kótergen jas otbasy. Búginde ekeýi de qashyqtan qyzmet kórsetip, 1414 nómiri arqyly keńes berip otyr.
Front-ofıs basshysy Araılym Aıjanova da eki jas týraly «ekeýi de alǵyr, bilimdi, elgezek, tárbıeli jandar» dep jyly pikirin bildirdi. Al, jastar bolsa, úıde otyryp jumys istep jatqanyna esh ókinbeıtinderin, jumystary birdeı bolǵandyqtan, birin-biri tolyqtyryp, halyqqa qyzmetin qashyqtyqtan da esh kedergisiz kórsetip jatqanyn aıtady.
Ekinshi jup – Kazangapov Rýslan men Kınadınova Kórkem
Ekinshi bir jup ta jaqynda shańyraq qurǵan. Kazangapov Rýslan Mamandandyrylǵan HQO-da IT-mamany, al joldasy Kınadınova Kórkem jınaqtaý sektorynyń mamany. Tanysqandaryna 10 jyldyń júzi bolypty... Kórkem óziniń mektepten bastalǵan mahabbat hıkaıasyn bylaı eske aldy.
– Onynshy synypta oqyp júrgen kezim. Jazdyń bir shýaqty kúni synyptastarymmen qydyryp, kólge barǵanbyz. Rýslan da dostarymen sol jerde júr eken. Kóldiń tereń emes bir jerinde shomylyp júrgen maǵan beıtanys jigit kelip, «bul jerge shoshqalardy shomyldyrady. Júr, men seni ortasyna qaraı aparaıyn» dep ázildedi. Men oǵan ashýlanyp, mán bermeı ketip qaldym. Keshkisin maǵan agentten jazyp tur «Men ǵoı kóldegi kezdesken jigit. Ústińnen shoshqanyń ısi shyǵyp turǵan joq pa?» dep taǵy da ashýyma tıip. Sóıtsem, ol meniń klastasymnyń dosynyń dosy bolyp shyqty. Sol tanystyǵymyz jyldarǵa sozylyp, dostyǵymyz mahabbatqa ulasyp, endi otaý qurdyq», – deıdi Kórkem.
Otbasyn qurýǵa kóp jyldyq daıyndyqpen kelgen eki jas, qazaqtyń barlyq jol-josyǵymen, salt-dástúrimen shańyraq kóteripti. Almatylyq arýǵa mańǵystaýlyq Rýslannyń otbasy syrǵa salyp, quda túsip, Kórkem qoldan uzatylyp, quda túsýdiń búkil sán-saltanaty jasalǵan. Joǵary bilim alyp, mamandyq alǵan ekeýi birge bir mekemege jumysqa kelgen.
Búginde Kórkem úıde otyryp onlaın qyzmet kórsetse, Rýslan keńsege baryp júr. О́ıtkeni IT-mamany úıde otyryp qyzmet kórsetetin emes. Onyń kómegi keńsedegi koll-ortalyqqa kóbirek kerek.
Endi jas otbasy tuńǵyshtaryn kútip júrgenin aıtady.
Úshinshi jup – Baýyrjan Bekpaev pen Shynar Moldahanova
Baýyrjan Bekpaev, Alataý front-ofısiniń mamany, koll-ortalyqqa jańadan beıimdelgen operatorlardyń biri. Ol HQKO-da 10 jyldan beri jumys isteıdi. Jary – Shynar Moldahanova da segizinshi jyl Almaly aýdandyq HQKO-da jumys isteıdi.
Olardyń taǵdyryn Medeý aýdandyq HQKO baılanystyrdy deýge bolady.Sol jerde jumys isteı júrip tanysty. Tanystyq, dostyq sońy mahabbatqa ulasty. Osydan 6 jyl shańyraq kóterip, sodan beri qýanyshta da, qıyndyqta da birge. Dúnıege eki qyzdary keldi. Qazirgi ýaqytta olar barlyǵy úıde birge. Baýyrjan pen Shynar azamattarǵa onlaın-keńes beredi. Shynardyń jumysy 9-dan 16-ǵa deıin bastalady, al Baýyrjannyń jumysy 13-ten 20-ǵa deıin bastalady. Bos ýaqytynda balalarǵa kezekpen kóńil bóledi.
«О́te mazasyz jumys. О́z sózderimizge muqııat bolyp jaýap berýimiz kerek. Neshe túrli suraqtar qoıyp jatady. Máselen, bireý «Kóshede qalaı serýendeýge bolady? Bul úshin ýchaskelik ınspektordan ruqsat suraý kerek pe?» dep surasa, taǵy biri «Karantın kezinde úıde jóndeý jumystaryn júrgizýge bolady ma?...» deıdi. Osy sııaqty bizge qatysy joq sqraqtarmen de ýaqytymyzdy alatyndar kóp. Qalaı bolǵanda da, basty mindet – jeliniń arǵy jaǵyndaǵy adamǵa kómektesý», – deıdi ol.
Azamattarǵa arnalǵan úkimettiń Almaty fılıalyndaǵy mahabbat tabystyrǵan juptardyń búgingi tirshiligi osylaı ótýde. Mahabbattyń sımvoly bolǵan Qozy Kórpesh – Baıan sulý kúninde jas jubaılardyń shańyraqtaryna shattyq, otbastaryna amanshylyq tileımiz!