Qazaq kınosynyń taǵy bir mereıli sáti. Rejısser Ádilhan Erjanovtyń «Atbaıdyńshaıqasy» fılmi VI Iаkýtsk Halyqaralyq kınofestıvaliniń «Úzdik fılmi» atandy.
Bastapqyda festıvaldi 18-22 naýryz aralyǵynda Iаkýtsk qalasynda tolyqqandy formatta ótkizý josparlanǵan bolatyn. Alaıda koronavırýs indetine baılanysty ony «jabyqrejımde» ótkizip, tek qazylar alqasy úshin qatysýshy fılmderdiń kórsetilimi uıymdastyrylyp, jeńimpazdardy jarııalaý týraly sheshim qabyldandy. Reseılik kınorejısser Borıs Hlebnıkov («Koktebel», «Arıtmııa») tóraǵalyq etken festıvaldiń qazylar alqasy quramyna esimi máshhúr rejısserler Edýard Novıkovpen Ella Manjeeva bastaǵan kıno mamandary kirdi.
«Jeńimpaz fılm «Atbaıdyń shaıqasy» – bul árkelki keıipkerdiń tańqalarlyq oqıǵasy. Basynda ol jaǵymsyz bop kóringenimen, sońyna qaraı onyń qaıǵyly ómirin túsine, sezine bastaısyń. Qarapaıym oqıǵa óte keremet tilmen aıtylǵan. Bul oqıǵanyń aıtylý máneriniń ózinde bir sıqyr jatyr. «Atbaıdyń shaıqasy» sózsiz bas júldege laıyq týyndy», - dep baǵa berdi qazylar alqasynyń tóraǵasy Borıs Hlebnıkov.
«Short Brothers» jáne «Arizona Productions»kompanııalarynyń qatysýymen «Sunny Production»kompanııasy jasaǵan kartınanyń álemdik premerasy ótken jyly HHHV Varshava Halyqaralyq kınofestıvaliniń negizgi konkýrstyq baǵdarlamasyna ótken bolatyn. Fılmniń bas prodıýseri aktrısa Ásel Sádýaqasova aıtýly fılmde basty rólderdiń birin oryndap shyqty.
Esterińizge sala keteıik, «Atbaıdyń shaıqasy» fılminde jeńimpazy aldyn ala belgili bolatyn aralas jekpe-jek boıynsha týrnırge qatysýdy sheshetin kóshe buzaqysy Atbaıdyń (akter Danııar Alshınov) ómiri jaıly baıandalady. Soǵan qaramastan bas keıipker jekpe-jekte jeńisti qoldan bermeýge bel býady. Sebebi ol úshin bul jeńis – jańa ómirdi bastaý, úlken sportqa qaıta oralý jáne óziniń súıiktisi Aıdany (Dınara Baqtybaeva) qaıtarý múmkindigi. Atbaıdyń rıng boıynsha basty qarsylasy, ataqty Rafaeldiń rólin belgili akter Sanjar Mádı somdady.