QazUÝ-dyń jýrnalıstıka fakýltetiniń baspasóz jáne elektrondy BAQ kafedrasynyń ujymy men «Qazaq radıolary» birlese otyryp koronavırýs týraly jalǵan aqparattyń taralýyn boldyrmaý úshin qazaq tilinde aýdıoklıp daıyndady.
Bul qadam pandemııadan qorǵaý jáne jalǵan aqparatty taratýǵa qarsy kúres úshin álemniń barlyq radıostansııalaryn jumyldyrǵan IýNESKO bastamasyn qoldaýǵa arnalady. COVID-19 týraly jalǵan aqparatqa qarsy turý jáne salaýatty ómir saltyn nasıhattaý maqsatynda IýNESKO álemniń túkpir-túkpirindegi radıostansııalar erkin paıdalana alatyn birqatar aýdıo habarlamalar serııasyn shyǵardy, dep habarlaıdy kaznu.kz.
IýNESKO bul resýrstardy vırýspen birge senimdi emes aqparattyń zııandy saldarynyń aldyn alý úshin usyndy. Qysqa aýdıo habarlamalar indettiń aldyn alý sharalary týraly paıdaly aqparat beredi, vırýs týraly ańyzdardy taratpaý, yntymaqtastyqtyń mańyzdylyǵyn kórsetedi. Bul habarlamalar tek aǵylshyn, fransýz, ıspan jáne arab tilderinde taratylatyn bolsa, qazir olar qazaq tilinde tyńdarmanyna jol tartty.
Dybystyq klıpti qazaq tiline QazUÝ professory Gúlmıra Sultanbaeva aýdardy. Aýdıo habarlamalar kez-kelgen tyńdaýshyǵa qol jetimdi. Olar tegin júkteledi jáne álemniń ár túkpirindegi memlekettik, jeke jáne qoǵamdyq radıostansııalar efırge tarata alady. «Qazaq radıosy» - shynaıy jáne obektıvti aqparat taratýǵa shaqyrady.