Nur-Sultan qalasy áýejaıynyń bas býhgalteri 1,7 mlrd teńgeni jymqyrý kúdigine ilikti. Bul týraly Sybaılas jemqorlyqqa qarsy is-qımyl agenttiginiń Apparat basshysy Qýanysh Japaqov málimdedi.
- «Astana» Halyqaralyq áýejaıy» AQ bas býhgalterine qatysty jasalǵan eki qylmys boıynsha tergeý aıaqtaldy. Birinshisi - qarjy-sharýashylyq qyzmetke tekseris júrgizbeý úshin Nur-Sultan qalasynyń Sybaılas jemqorlyqqa qarsy qyzmetiniń laýazymdy tulǵalaryna 16 mln teńge somasynda para berý faktisi boıynsha. Ekinshisi - jumysty naqty oryndamastan, 30-dan astam kompanııanyń esepshottaryna aýdarý arqyly áýejaıdyń 1,7 mlrd teńge somasyndaǵy qarajatyn jymqyrý faktisine qatysty, - dedi Qýanysh Japaqov.
Onyń aıtýynsha, atalǵan is boıynsha is-áreketi uqypsyzdyq retinde tanylǵan «Astana» Halyqaralyq áýejaıy» AQ burynǵy Basqarma tóraǵasyna qatysty is sotqa berildi.