Túrkistan oblysy Túlkibas aýdanynda bıyl 100 gektar jerge alma otyrǵyzý josparlanǵan, onyń 50 gektary qarqyndy baý bolmaq. Búgingi tańda 78 gektarǵa alma aǵashy otyrǵyzyldy.
Aýdanda alma baýynyń aýmaǵy jyldan jylǵa ulǵaıyp keledi. Memleketik baǵdarlamaǵa sáıkes 2001-2019 jyldar aralyǵynda otyrǵyzylǵan alma baý kólemi 2578 gektarǵa jetkizilgen bolatyn. Al aldyńǵy jyly aýdan kóleminde rekordtyq ónim – 25 myń 150 tonna alma jınalǵan. Byltyr aýa raıynyń qolaısyzdyǵyna baılanysty bul kórsetkish 20 000 tonna boldy.
Sondaı-aq alma ónimin qysta saqtaý maqsatynda aýdanda 6 qoıma jumys isteýde. Jalpy qoımalardyń sıymdylyǵy 8900 tonna. Bıyl aýdanda jalpy jemis-jıdektiń kólemi 3335 gektar bolyp otyr.