Almaty oblysyndaǵy tórt túlik mal órgizip, tanapta egin ósirip otyrǵan aýdannyń bir – Aqsý. Iаǵnı, óńir ekonomıkasynyń tabysty bolýyna agroónerkásip kesheni molynan úles qosyp otyr.
Bıyl Aqsý aýdany boıynsha 61017 gektarǵa aýyl sharýashylyq daqyldaryn sebý josparlanǵan bolatyn. Qazir dıqandar kúzdik bıdaı, jazdyq bıdaı, jazdyq arpa egiletin alqaptardaǵy jumysty qyzdyryp, is basynda júr. Buıyrsa, 3167 gektar jerge dańqty daqyl – qant qyzylshasynyń tuqymyn sebý birer kúnde bastalmaq. Sharýalar tátti túbirdi sebýge kún raıyn ǵana baǵyp, saqadaı saı daıyn otyr.
Jalpy, elimizdegi tótenshe jaǵdaı talaby men Almaty oblysy aýmaǵynda jarııalanǵan karantın shekteýi de kóktemgi dala jumystarynyń ýaqtynda bastalýyna kedergi keltirgen joq. Sharýalarǵa memleket tarapynan arzandatylǵan tuqym men janar-jaǵar maı der kezinde jetkizildi. Mysalǵa, Aqsý aýdanyndadaǵy sharýa qojalyqtaryna dızl otynynyń ár lıtri 165 teńgeden ákelingen. Qyrdaǵy jumysqa qol baılaý bolmaýy úshin aýdan ortalyǵyndaǵy aýyl sharýashylyǵy tehnıkalarynyń qural-saımandaryn satatyn dúkender de jumysyn jalǵastyrýda. Qysqasy, egis naýqanynyń toqtap qalmaýyna barlyq jaǵdaı jasalýda.
Qazir aýdan boıynsha 528 dana aýyl sharýashylyǵy tehnıkalary tehnıkalyq tekserýden ótip, egis alqaptaryndaǵy jumystarǵa kiristi, 14-dana qant qyzylshasynyń sepkishteri jumysqa daıyn. Aýdanda qant qyzylshasyn sebýmen aınalysatyn 6-servıstik daıyndaý ortalyqtary jumys isteıdi, onyń syrtynda 4 iri sharýa qojalyqtarynda qant qyzylshasyn sebýge arnalǵan tehnıkalarmen tolyq qamtylǵan.