Shymkent qalasynda 2020 jyly barlyq qarjy kózderi esebinen 13 636 páterli 252 kópqabatty turǵyn úıdiń qurylysy júrgizilýde. Olardyń jalpy aýdany 1 mıllıon sharshy metrdi quraıdy.
Onyń ishinde, 78 turǵyn úı bıýdjet, 48 úı «Shymkent» ÁKK» AQ jáne 126 úı jeke salýshylar esebinen júrgizilip jatyr.
Jaýapty mamandardyń málimdeýinshe, tótenshe jaǵdaı kezinde Shymkenttegi qurylys jumystary toqtamaıdy. Máselen, memlekettik ınvestısııalar esebinen bıyl qalada 126 kópqabatty turǵyn úıdiń qurylysy josparlanǵan. Aǵymdaǵy jyly 107 kópqabatty turǵyn úı nemese 6 213 páter paıdalanýǵa beriledi. Budan bólek, naryqtan 696 arendalyq páter satyp alynady.
Eske sala ketsek, taıaýda qala ákimi M. Áıtenov merdigerlerge qıyn-qystaý kezeńde jumyssyz júrgen azamattardy qurylysqa tartýǵa shaqyrǵan bolatyn. Tótenshe jaǵdaıǵa baılanysty qaladaǵy qurylys nysandarynda birqatar mamandarǵa suranys artqan. Atap aıtqanda, betonshy, qysh qalaýshy, sylaqshy jáne qarapaıym dánekerleýshi. Qajettilikti qamtamasyz etý maqsatynda jumyspen qamtý ortalyǵyna 443 mamanǵa suranys berilgen.
Shymkent