141 nysan men 35 azyq-túlik satý bólimderin qamtyǵan reıd barysynda halyqtyń áli de bolsa tártipti saqtaı bermeıtindigi anyqtalyp otyr.
Reıd barysyndaǵy tekseris jumystary kezinde 44 nysannyń karantın talaptaryn buzyp, jumys istep otyrǵandyǵy anyqtaldy. Olardyń 42-sine ákimshilik hattama toltyrylyp, 9-yna ár túrli sharalar qoldaný turǵysynda sot sheshimi shyǵaryldy. 33 hattama áli qarastyrylady.
Atbasar qalasynda «Arman», «Abaı», «Bek» saýda núktelerinde birqatar tártip buzýshylyq anyqtaldy. Atap aıtqanda, dúken satýshylary qolǵapsyz jumys istegen. Ári saýda oryndarynda antıseptık joq. Nan ónimderi oramasyz satylyp jatyr.
Birjan sal aýdanyndaǵy Stepnıak qalasynda jasalǵan reıd barysynda «Smak» dúkeniniń dezınfeksııa talaptaryn buzyp jumys istep jatqandyǵy anyqtalyp, ıesine on aılyq eseptik kórsetkish mólsherinde aıyppul salyndy.
Mundaı olqylyqqa Bulandy aýdanynda da jol berilgen. Makınsk qalasyndaǵy «Atlant», «Imperııa» dúkenderindegi kemshiliktiń beti ashyldy. Sondaı-aq, Shýchınsk qalasynda da jeke kásipkerlerdiń «Vstrecha» jáne «Aman» dúkenderi tazalyq tártibin saqtamaı jumys istep kelgen. Kókshetaý qalasynda 20 nysan qamtyldy. Bárine ortaq bir kemshilik, qolǵap kımeı jumys isteý jáne antıseptıkterdi tutynýshylarǵa usynbaýy bolyp otyr.
Sanıtarlyq tazalyq saqtamaǵandarǵa tıisti shara qoldanylatyn bolady.