Qaraǵandy qalasynyń mańynda jaýyngerlik kezekshilikti atqarýǵa daıyndyq boıynsha josparly ushýlardy oryndaý barysynda Qazaqstannyń Áskerı-áýe kúshteriniń MıG-31 ushaǵy apatqa ushyrady. Bul týraly Qorǵanys mınıstrliginiń baspasóz qyzmeti habarlady.
- Oqıǵa Qaraǵandy qalasynyń áýejaıynan ońtústikke qaraı ornalasqan jerde oryn aldy. Ushqannan keıin qozǵaltqyshtardyń birinde órt shyqty. Katapýltteýge komanda alǵannan keıin áskerı ushqyshtar ushaqty eldi mekennen aýlaqqa qaraı baǵyttady. Halyqqa eshqandaı qaýip tóndirmeıtinine kóz jetkizgennen keıin ekıpaj katapýltteldi. Ushqyshtar aman, - delingen habarlamada.
Qorǵanys mınıstriniń buıryǵymen avıasııalyq oqıǵany tekserýge komıssııa taǵaıyndaldy.
Oqıǵa ornyna Áskerı-áýe kúshteriniń izdestirý-qutqarý qyzmetiniń jasaǵy keldi.