Qazaqstan ulttyq quramasy Astanada 2014 jylǵy álem chempıonaty irikteý týrnıriniń kezekti kezdesýin ótkizedi.
Bul joly elimizdiń bas komandasy Astanadaǵy «Astana-Arena» stadıonynda Shvesııa ulttyq quramasyn qabyldaıdy. Buǵan deıin bizdiń quramanyń Skandınavııa túbeginiń bir bóligin alyp jatqan elmen áli kezdespegenin bilemiz. Jalpy, Qazaqstan quramasy Skandınavııa elderiniń eshqaısysymen áli oınap kórgen joq. Tek jaqynda ǵana atalǵan túbekke jaqyn ornalasqan Danııa koroldiginiń avtonomııasy sanalatyn Farer araldarymen ǵana úshinshi matchyn ótkizdi. Sondyqtan Qazaqstan men Shvesııa arasyndaǵy búgingi kezdesý eki eldiń alǵashqy matchy bolady.
Qazaqstan ulttyq quramasy Astanada 2014 jylǵy álem chempıonaty irikteý týrnıriniń kezekti kezdesýin ótkizedi.
Bul joly elimizdiń bas komandasy Astanadaǵy «Astana-Arena» stadıonynda Shvesııa ulttyq quramasyn qabyldaıdy. Buǵan deıin bizdiń quramanyń Skandınavııa túbeginiń bir bóligin alyp jatqan elmen áli kezdespegenin bilemiz. Jalpy, Qazaqstan quramasy Skandınavııa elderiniń eshqaısysymen áli oınap kórgen joq. Tek jaqynda ǵana atalǵan túbekke jaqyn ornalasqan Danııa koroldiginiń avtonomııasy sanalatyn Farer araldarymen ǵana úshinshi matchyn ótkizdi. Sondyqtan Qazaqstan men Shvesııa arasyndaǵy búgingi kezdesý eki eldiń alǵashqy matchy bolady.
Jalpy, Shvesııa komandasy týraly kóp nárse aıtýǵa bolady. Bul eldiń quramasy halyqaralyq arenada ózindik qoltańbasy bar, álem jáne Eýropa chempıonattarynda burynnan beri jaqsy óner kórsetip kele jatqan komanda retinde belgili. Shvedter 1950-1990 jyldary álem jáne Eýropa chempıonattarynda ózindik oıyn órnegin qalyptastyryp úlgergen. Ol tipti, eki ret álem chempıonatynyń qola júldegeri atanǵan. Alǵash ret 1950 jyly Brazılııada ótken álemdik básekede, ekinshisin 1994 jyly AQSh-ta ótken synda aldy. Sodan beri shvedter halyqaralyq arenada laıyqty óner kórsetip keledi. Qazirgi kezde de Skandınavııa eli eshkimge jyǵyla salatyndaı emes. Ol 2014 jylǵy álem chempıonatynyń irikteý týrnırinde bizdiń «S» tobynda Germanııadan keıingi ekinshi orynda tur. Toptaǵy sońǵy kezdesýin olar 6 qyrkúıek kúni Irlandııaǵa qarsy ótkizip, 2:1 esebimen utty. Qalaı desek te, búgingi kezdesý qyzyqty jáne tartysty ótetini anyq. Buǵan qosa, qazaqstandyq jankúıerlerdi Shvesııa quramasynyń qazirgi kúngi «juldyzy», tegi bosnııalyq musylman oǵlany Zlatan Ibragımovıchtiń óneri qatty qyzyqtyratyny da sózsiz.
Osy kezdesý aldynda Qazaqstan men Shvesııa quramalary komandalar quramyn jarııalady. Bizdiń bas komandaǵa qaqpashylar Andreı Sıdelnıkov («Aqtóbe»), Aleksandr Mokın («Shahter»), Anton Sırın («Jetisý»), qorǵaýshylar Qaırat Nurdáýletov («Astana»), Andreı Poryvaev («Shahter»), Iýrıı Logvınenko, Alekseı Mýldarov (ekeýi de – «Aqtóbe»), Vıktor Dmıtrenko («Astana»), Mark Gýrman, Aleksandr Kıslısyn (ekeýi de – «Qaırat»), Konstantın Engel («Energı» Kotbýs, Germanııa), jartylaı qorǵaýshylar Nurbol Jumasqalıev («Tobyl»), Maqsat Baıjanov («Shahter»), Marat Haırýllın («Aqtóbe»), Valerıı Korobkın («Astana»), Dmıtrıı Shomko («Ertis»), Andreı Karpovıch («Ordabasy»), Anatolıı Bogdanov («Tobyl»), shabýylshylar Tańat Nóserbaev («Astana»), Andreı Fınonchenko, Sergeı Hıjnıchenko (ekeýi de – «Shahter»), Sergeı Ostapenko («Astana»), Alekseı Shetkın («Atyraý»), Igor Iýrın («Ertis») shaqyryldy.
Shvesııa myna qurammen oıynǵa shyǵady: qaqpashylar – Andreas Isaksson («Kasympasha», Túrkııa), Krıstoffer Nordfeldt («Herenven», Gollandııa), Iýhan Vıland («Kopengagen», Danııa); Qorǵaýshylar – Mıkael Antonsson («Bolonıa», Italııa), Per Bengtsson («Kopengagen», Danııa), Rasmýs Bengtsson («Tvente», Gollandııa), Andreas Grankvıst («Djenoa», Italııa), Adam Iýhansson («Sıetl Saýnders», SShA), Mıkael Lýstıg («Seltık», Shotlandııa), Per Nılsson («Nıýrnberg», Germanııa), Iýnas Ýlsson («Vest Bromvıch», Anglııa), Martın Ýlsson («Blekbern Rovers», Anglııa); jartylaı qorǵaýshylar – Djımmı Dýrmaz («Genchlerbırlıgı», Túrkııa), Albın Ekdal («Kalıarı», Italııa), Aleksandr Kachanıklı («Fýlhem», Anglııa), Sebastıan Larsson («Sanderlend», Anglııa), Anders Svensson («Elfsborg», Shvesııa), Pontýs Vernblým (SSKA, Reseı), Erkan Zengın («Genchlerbırlıgı», Túrkııa); shabýylshylar – Iýhan Elmander («Galatasaraı», Túrkııa), Tobıas Hıýsen («Geteborg», Shvesııa), Zlatan Ibragımovıch («Parı Sen-Jermen», Fransııa), Ola Toıvonen (PSV, Gollandııa).
Bas jattyqtyrýshy – Erık Hamren (Shvesııa).
Match Astana ýaqytymen keshki saǵat 22.00-de bastalady. Kezdesý «Habar» arnasynan tikeleı efırde kórsetiledi. Bizdiń gazettiń saıty (www. egemen.kz) matchtan reportaj beretin bolady. Ony oıyn bitken soń bir-bir jarym saǵattan keıin oqı alasyzdar.
Dastan KENJALIN,
«Egemen Qazaqstan».