Jańa ǵana bastalǵan kúz aıynyń alǵashqy kúninde bir shańyraqtyń astyndaǵy Abaı jáne Dostoevskıı atyndaǵy drama teatrlary jańa maýsymynyń ashylýy «Teatr shatyrda jáne sahnada» degen taqyryppen erekshe jaǵdaıda atap ótildi.
Jańa ǵana bastalǵan kúz aıynyń alǵashqy kúninde bir shańyraqtyń astyndaǵy Abaı jáne Dostoevskıı atyndaǵy drama teatrlary jańa maýsymynyń ashylýy «Teatr shatyrda jáne sahnada» degen taqyryppen erekshe jaǵdaıda atap ótildi.
Al onyń mánisi mynada edi. Iаǵnı, qos teatr ujymy óz kórermenderimen aldymen ashyq aspan astynda, sodan keıin sahnada júzdesti. Aıtalyq, óner juldyzdarynyń ashyq aspan astynda Abaı men Shákárim arasyndaǵy týystyqtan da bólek rýhanı jaqyndyqty beıneleıtin kórinisi kórermendi erekshe áserge bóledi.
Budan keıin teatr janashyrlary zalǵa shaqyryldy. Munda teatrdyń ashylý saltanaty qos teatrdyń alma-kezek ónerine jalǵasty. О́ner ordasynyń basshylary kórermenderge jańa maýsymnyń jańalyqtaryn jetkizdi. Sonymen birge, kórermender teatrdyń ishki ómirimen de jete tanysty.
Hakim aqyn atyndaǵy teatr ujymy úshin bıylǵy maýsymnyń jóni tipten de bólek ekendigi de aıtylmaı qalmady. Iаǵnı, elimizdegi eń baıyrǵy óner ujymy óziniń sekseninshi maýsymyn bastap otyr. Budan júz jylǵa jýyq ýaqyt buryn qazaq teatrynyń qarlyǵashyndaı jas Muhtardyń «Eńlik-Kebegimen» Oıqudyqta alǵashqy irgetasy qalanǵan Semeı teatry 1934 jyly resmı túrde ashylǵan edi. Sonyń bári áserli keshte keńinen qozǵalyp jatty.
Iá, bul maýsym sondyqtan burynǵydan ózgerek.
Dáýlet SEISENULY.
SEMEI.