Buǵan deıin Jitiqarada koronavırýs juqtyrǵan2 adam anyqtalyp, bir naýqastyń kóz jumǵanyn, keshe taǵy eki adamnan indet belgileri tabylyp, shalǵaıda jatqan shaǵyn qaladaǵy naýqastar sany tórteýge jetkenin habarlaǵan edik. Qazir olarmen baılanysta bolǵan adamdar anyqtalyp jatyr.
Ázirge belgilisi, indet juqtyrǵan sońǵy ekeýdiń biri –Jitiqara qalalyq polısııa bóliminiń qyzmetkeri bolyp shyqty. Qazir gospıtalda jatyr. Ol qaıtys bolǵan kisimen kórshi turǵan. Taıaýda ǵana Qostanaıǵa esep berýge kelip ketken.
Jitiqaralyq polıseımen Qostanaıda kezdesken departament qyzmetkerleriniń barlyǵy úı karantınine jabyldy. Jitiqara polısııa bóliminiń qyzmetkerleri túgeldeı úı karantıninde jatyr.Qala qaýipsizdigin qamtamasyz etý úshin Jitiqaraǵa oblystyń ózge óńirlerinen 80 polıseı keldi, - dedi oblystyq polısııa departamentiniń baspasóz qyzmeti.
Qostanaı oblysy