Qostanaı oblysynyń jedel járdem qyzmeti karantın jaǵdaıynda erekshe jumys tártibine kóshti. Oblys boıynsha bir táýlik ishinde shamamen 50 shaqty jedel járdem toby kezekshilik etedi. Feldsherler derlik jeke qorǵanysh quraldarymen qamtamasyz etilip, ádettegi aq halatty búkil dene bitimin jaýyp turatyn qymtama kombınezondarmen aýystyrǵan.
– Medısına mamandarynyń syrtqy turpaty karantın talaptaryna saı ózgerdi. Feldsherler álemdik tájirıbede qoldanylatyn qorǵanysh kıimderimen qamtamasyz etilip, qazir shtatty rejimde jumys istep jatyr. Oblys turǵyndaryna mynany eskertkimiz keledi: eger qyzýyńyz kóterilip, túshkirip, jótel tıip qalsa nemese ishińiz óte bastasa emhanaǵa barýdyń qajeti joq. Medısına mekemesine nemese jedel járdemge qońyraý soqsańyz, jetkilikti. Jedel járdem kóp keshiktirmeı úıińizde bolady. Karantın talaptarynyń buzylmaýyn qadaǵalap, tazalyq saqtańyzdar. Búgingi tańda ár adamnyń qaýipsizdigi men densaýlyǵyna qajet negizgi talap - osy, - dep málimdedi densaýlyq saqtaý basqarmasynyń baspasóz qyzmeti.
Qostanaı oblysy