Batys Qazaqstan oblysyndaǵy Tasqala aýdanynda karantındik stasıonar men provızorlyq gospıtal ashylady. Ol jerde negizinen Reseı Federasııasynan kelgen azamattar oqshaýlanbaq.
Sońǵy málimet boıynsha Batys Qazaqstan oblysynda koronavırýs indetine shaldyqqandardyń sany 39-ǵa jetti. Sońǵy bir táýlik ishinde anyqtalǵan 9 adamnyń 8-i – Reseı Federasııasynda vahtalyq ádispen jumys isteýshiler eken. Olar Saratov oblysy aýmaǵynan elimizge «Tasqala» shekara beketinen ótken.
- Saraptap qarasaq, osy kezge deıin indet juqtyrǵandardyń 32-si – vahtalyq jumystan kelgen, ıaǵnı vırýstyń 82%-y syrttan ákelingen. Qalǵan 7 adam solarmen jaqyn qarym-qatynasta bolǵannan keıin aýyryp qalǵan. Sońǵy kúnderi shekaradan jaıaý ótken jerlesterimizdiń bárin oqshaýlap jatyrmyz. О́ıtkeni olardyń bárinde aýrýesh belgisiz ótýde, dene qyzýy da joq, tek dıagnostıkalyq zertteýden keıin ǵana olardyń COVID-19 ınfeksııasyn juqtyrǵany anyqtaldy, dedi Batys Qazaqstan oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysy Muhamǵalı Aryspaev.
Osyǵan oraı shekara beketine jaqyn ornalasqan Tasqala aýdanynda karantındik stasıonar men provızorlyq gospıtal ashylatyn boldy. Oblystyń bas memlekettik sanıtarynyń aıtýynsha, stasıonarda naýqas belgisi joq turǵyndar oqshaýlansa, gospıtalda dene qyzýy kóterilgende jatqyzylady. Olarǵa sol jerde polımerlik tizbekti reaksııa arqyly dıagnostıkalyq zertteý qorytyndysy jasalyp, vırýs naqtylansa, oblystyq juqpaly aýrýlar aýrýhanasyna jatqyzylatyn boldy.
Qazirgi sátte Batys Qazaqstan Oblystyq juqpaly aýrýlar aýrýhanasynda – 28 adam, provızorlyq stasıonarda – 50, karantındik stasıonarda – 158, úı oqshaýlaýynda – 1396 adam dáriger baqylaýynda.
Batys Qazaqstan