Qaýymdastyqta – jańa basshy

Keshe Astanada Qazaqstan sport baspasózi qaýymdastyǵynyń kezekti otyrysy boldy.

Keshe Astanada Qazaqstan sport baspasózi qaýymdastyǵynyń kezekti otyrysy boldy.

Otyrysta birneshe másele qa­raldy. Áýeli qaýymdastyq prezıdenti, respýblıkalyq mem­lekettik tildi «Sport» jáne orys tildi «Sport» gazetteriniń dırektor-bas redaktory, belgili jýrnalıst-jazýshy Nesip Júnis­baıuly qaýymdastyqtyń maqsat-mindetin aıta kelip, osy kezge deıin atqarǵan jumysy jóninde esep berdi. Ol qaýymdastyqtyń qyzmetine óz baǵasyn bere kelip, qazirgi jumysyna tyń ıdeıalar men jańa joba-jos­par­lardyń kerektigine nazar aýdardy. Osydan keıin ol QSBQ prezıdenti qyzmetinen óz erki­men bosaný jóninde sheshim qabyl­daǵanyn jáne jınalǵan árip­tes inilerinen osy sheshimin qol­daýǵa ótinishin bildirdi. Jı­ynda áriptesteri onyń bul she­shi­min qoldaıtyndaryn aıtyp, ony qaýymdastyqtyń qurmetti prezıdenti bolyp saılaıtyn­da­ryn jetkizdi. Jıynda Qazaq­stan sport baspasózi qaýym­das­ty­ǵy­nyń prezıdenti bolyp árip­tesi­­miz Ilııas Omarov saılandy. Ol bir­neshe jyldan beri Syrtqy ister mınıstrliginiń baspasóz hatshysy qyzmetin atqarady. Birneshe shet tilin biledi, sport taqyrybyna da birneshe jyldan beri qalam tartyp júrgen áriptesimiz.

Jıynda qaralǵan taǵy bir másele qaýymdastyqtyń atqa­­­rý­shy komıteti múshelerin saı­laýǵa arnaldy. Oǵan 16 adam­nyń tizimi usynyldy. Biraq, úmit­kerlerdiń kóptigine baıla­nysty atqarýshy komıtettiń mú­sheligine eshkim saılanbaı, múshe­likke saılaý máselesi keıin­ge qaldyryldy. Bul másele jó­nindegi oıyn Sport jáne dene shynyqtyrý isteri agenttigi tór­aǵa­synyń orynbasary Elsııar Qana­ǵatov jaqsy aıtty. Ol sport jýrna­lıs­terine elektrondy posh­talaryna úmitkerlerdiń tizimin ji­berip, atqarýshy komıtettiń múshelerin daýysqa salý boıynsha saılaýdy usyndy. Onyń bul usynysy birden qoldaý tapty. Osydan keıin otyrysta «Alash aınasy» gazeti sport bóliminiń meńgerýshisi Nurǵazy Sasaev qa­ýymdastyqtyń jumysynda mem­­­lekettik tildiń qoldaný aıasyn keńeıtý máselesine nazar aý­dar­dy.

Otyrysta qaýymdastyqtyń keńsesin ashý, oǵan qyzmetkerler alý, jýrnalısterdiń shetelge is saparyna demeýshi izdeý má­selesi qaraldy. «KAZSport» tele­arnasynyń dırektory Dı­as Ahmetshárip pen «Eks­­press­­­-K» gazetiniń sport jýrna­lı­si Mak­sım Kartashov «Sam­ur­yq-Qa­zyna» UÁQ AQ-ǵa qaýym­das­tyq­qa demeýshi bolýǵa ótinish bil­­dirdi. Osyǵan oraı «Samuryq-Qa­zyna» UÁQ AQ qoǵammen baılanys departamentiniń bastyǵy Aıdar Mahmetov ótinishtiń or­­­yn­d­alý múmkindigi bar ekenin jetkizdi.

Dastan KENJALIN,

«Egemen Qazaqstan».