«Qazaqstan barysy» qazaq kúresin damytý qorynyń qamqorshylyq keńesiniń tóraǵasy Arman Shoraev qamaýǵa alyndy, dep habarlaıdy QazAqparat tilshisi.
Qalalyq Polısııa departamentiniń baspasóz qyzmetiniń habarlaýynsha, oǵan qatysty QR QK 274-babynyń 4-bólimimen TJ kezinde jalǵan aqparat taratty degen bappen qylmystyq is qozǵalǵan.
Arman Shoraev áleýmettik jeli arqyly birneshe ret shyndyqqa saı kelmeıtin jalǵan aqparat taratqan. Polısııanyń habarlaýynsha, ol óz áreketimen TJ kezinde qoǵamdyq tártipti buzyp, qoǵam men memlekettiń zań arqyly qorǵalatyn múddesine nuqsan keltirgen. Arman Shoraev QR QK 128-babyna sáıkes ustalyp ýaqytsha oqshaýlaý ornyna qamaldy. Tergeý jumystary jalǵasyp jatyr.