Búgin dańqty fýtbolshy, abzal azamat Rıvaldonyń týǵan kúni. Brazılııanyń maqtanyshy 48 jasqa toldy.
Rıvaldo 1972 jyldyń 19 sáýirinde Pernambýký shtatynyń Paýlısta qalasynda týyp-ósti. 1991-1996 jyldar aralyǵynda ol óz Otanynda óner kórsetse, sodan keıingi jeti jylyn Ispanııada ótkizdi. Alǵashynda «Deportıvoda», odan keıin «Barselonada» oınady. Ásirese, katalonııalyq klýbtyń sapynda jasyndaı jarqyraǵan brazılııalyq legıoner 1999 jyly álemniń eń úzdik fýtbolshysy atandy. Ispanııa Premer-lıgasynda Rıvaldo barlyǵy 198 oıyn ótkizip, 107 ret nysanany dál kózdedi.
Brazılııanyń surmergeni keıinnen kóptegen memlektterde óner kórsetti. Tipten, О́zbekstannyń «Býnedkorynda» da oınaǵan kezi esimizde. 2008-2010 jyldar aralyǵynda tashkenttik komandanyń quramynda 61 ret jasyl alańǵa shyǵyp, 37 márte mergendik tanytty.
Rıvaldo Brazılııanyń jastar, olımpıadalyq jáne ulttyq quramasy sapynda da aıshyqty ónerimen kózge tústi. 1996 jyly Atlanta Olımpıadasynda kúmis alsa, 1997 jyly Konfederasııa kýbogyn oljalady. 1999 jyly Amerıka kýbogyn tóbege kóterdi. 1998 jylǵy álem chempıonatynda kúmis medali moınyna ilse, 2002 jyly bas júldeni oljalady.