Premer-Mınıstr Asqar Mamın qazaqstandyq pravoslavtardy Pasha merekekesimen quttyqtady. Bul týraly Premer-Mınıstrdiń baspasóz qyzmeti habarlady.
«Qazaqstannyń pravoslav hrıstıandaryn Jarylqaýshy Hrıstos merekesimen quttyqtaımyn. Uly mereke Pasha tirshilik pen meıirimdiliktiń saltanatyn, raqymdylyqty, qaıyrymdylyqty, rýhanı jańǵyrýdy bildiredi.
Senim adamdardy izgilikke, ıgi amaldarǵa jeteleıdi. Qazaqstanda Pasha - jasampazdyq qýaty mol, pravoslav hrıstıandaryn ǵana emes, basqa dinderdiń ókilderin de, tutas halqymyzdyń basyn qosyp biriktiretin meıramdardyń biri.
Barlyq qazaqstandyqtarǵa shyn júrekten myqty densaýlyq, tózim, jasymas jiger men jaqsylyqqa senim, beıbitshilik pen amandyq tileımin» dedi ol.