Nursultan NAZARBAEV: Sadaǵań keteıin, aınalaıyn halqym!

Memleketimizdiń dińgegi – qazaq halqy. El de, jer de – qazaqtiki. El bolýdyń uıaty da bizdiń jurttyń moınynda.

Memleketimizdiń dińgegi – qazaq halqy. El de, jer de – qazaqtiki. El bolýdyń uıaty da bizdiń jurttyń moınynda.

* * *

Halyq erki bárinen joǵary.

* * *

Bul ǵasyr qazaq úshin altyn der em,

Dańqymdy álem bildi,

Saltymmenen.

Keýdemde janym barda kóteremin,

Aıanban,

Ne kútse de halqym menen!

* * *

Qundy qazynamyz – tarıh tabystyryp, taǵdyr toǵystyrǵan halqymyz.

* * *

Jabyqqandy jebesem,       

Eldi jurtpen teńesem,     

Qosynynda qazaqtyń                                        

Beker júrmin demes em!     

* * *

...halyqtar tek jaman nárseni ǵana jadynda saqtasa, bir-birimen eshqashan tatý tura almas edi. Zaman ózgeredi. Ár urpaq óz kózqarasyn qalyptastyrady. Memleket múddesin de ózinshe túsinedi.

* * *

Qansha qıyndyq kórse de, abzaldyǵy men sabyrlylyǵyn, basqa halyqtarǵa degen syılaýshylyǵyn saqtaı bilgen halyqty, kazirgideı qıyr-shıyr tarıhı syn kezeńde ózim ajyramas bólshegine aı­na­lyp otyrǵan asyl jurtymdy, XXI ǵasyr tabaldyryǵynan attap, óz ta­laıyn taǵy bir synap kórgeli otyr­ǵan táýekelshil ultymdy qalaı ǵana maq­tanysh etpespin?! Qalaısha bas ımespin?!

* * *

О́ziniń tarıhyn qadirlemeıtin, óziniń ulttyq baılyǵyn baǵalamaıtyn halyq tabysty da bola almaıdy, taǵdyry da sátti bola qoımaıdy.

* * *

Osyndaı alyp aýqymdy aýmaǵy men osyndaı baı tarıhy bar qazaq halqy baqytty ári juldyzy da joǵary.

* * *

Qazaqtar uly órkenıetterdiń mura­gerleri – óziniń ulttyq «Menin» tarıhtyń búkil shyńyraýlary men shyrǵalańdarynan alyp óte bildi. Tek alyp ótip qana qoımaı, saqtap, kóbeıte de aldy.

* * *

Qazaq aýyly árdaıym ulttyq ósip-órkendeýimizdiń qýat-qaınary ári ulttyq sáıkestiligimizdiń ólsheýishi bolyp qala berdi.

* * *

Qazaq áıelderi ultymyzdy óziniń emdik qasıeti bar jyly sútimen, óz mahabbatynyń otymen, óziniń aıaly alaqanymen jáne qamqorlyǵymen qamtamasyz etip, sol arqyly eleýsiz ǵana qazaq halqynyń ulttyq, rýhanı, mádenı tutastyǵyn qalyptastyryp, boıyna jan jylýyn daryta aldy.

* * *

Bizge, baıyrǵy uly halyqtardyń urpaqtaryna, ózgelerdiń qańsyǵyn tańsyq etken jaramaıdy, ózimizdiń ótkenimizge, búginimizge jáne bolashaǵymyzǵa jiti úńiletin kez jetti.

* * *

Erkin, beıbitsúıgish, bilimdi, óziniń ár alýandyǵymen birtutas, tabysty, bir sózben aıtqanda, ózgelermen terezesi teń – birtutas Qazaqstan halqyn men kóz aldyma osylaı elestete alamyn.

* * *

Memleket úshin uıymshyl qoǵamnan asqan tirek joq.

* * *

Halyqtyń birligi Qazaqstan mem­le­ket­tiginiń negizi ǵana emes, sonymen birge biz­diń máńgilik qundylyǵymyz da bolyp ta­bylady.

* * *

Ultaralyq tatýlyq pen kelisim kókten túsken birdeńe emes. Ol memleket pen barshamyzdyń kúndelikti saıasatymyz ben praktıkamyzdyń nátıjesi.

* * *

Tek qana kópǵasyrlyq tutastaný men jalǵastyq, tek qana urpaqtan urpaqqa beriletin ortaq maqsattar bul ǵasyrdyń mindetterin sheshý úshin halyqty biriktire alýy múmkin.

* * *

Bizdiń basty baılyǵymyz – halyqtar men dinder arasyndaǵy tatýlyq pen keli­sim.

* * *

Men álem halyqtarynyń qataryna laıyqty qosylǵan jańa ulttyń jáne bizdiń Qazaqstan sııaqty uly eldiń Elbasy bolýdy buıyrtqan taǵdyrǵa rızamyn.

* * *

Kez kelgen halyqqa bárinen buryn asqaq rýh kerek.

* * *

Eń bastysy, tatý-tátti, yntymaǵy jarasqan kópultty halqymyz bar. El degende, jer degende bilegin sybanyp, iske daıyn turǵan azamattarymyz bar. San ǵasyrlar boıy teperishti kórse de, jaısań janyn, ásem ánin, kúmbir kúıin, ádemi ádet-ǵurpyn, taza tilin saqtaǵan ultymyz bar. Mine, bizdiń bas­ty baılyǵymyz – osy.

* * *

Men óz halqymnyń jolynda basymdy báıgege tikken adammyn.

* * *

Rýhy erkin halyq qana uly isterdi at­qara alady.

* * *

Men kezekti saılaýdy oılaı almaımyn, men eldiń, halyqtyń bolashaq taǵdyryn oılaýǵa tıispin. Meniń maqsat-muratym osy, halyq meni osy úshin saılady.

* * *

Qazaqtyń ulttyq rýhy – onyń órligi men erliginde.

* * *

Qazaq ta endi úlken ultqa tán tózim men sabyrly minez kórsetýi kerek.

* * *

Meniń birden-bir qalaýym, meniń úmitim, eger qalasańyzdar, armanym – shamamnyń kelgeninshe, Qazaqstan halqynyń ózin jan-jaqty damytýy úshin qalypty, shynaıy, órkenıetti jaǵdaı jasaýǵa járdemdesý.

* * *

О́zim úshin emes, elim úshin tolǵanamyn: bir basyma kerekti qaı kúnde de tabarmyn. Halqyma kerekti qalaı tabam, qaıdan tabam dep qam jep júrý tek qana meniń emes, ár azamattyń isi men jadynda bolýy tıis.

* * *

Sóz bastaǵan sheshen bolý –

Bir qıyn,

Eliń úshin esen bolý –

Bir qıyn.

Taıǵaq keship,

Aq jol taýyp,

Adaspaı,

Kósh bastaǵan kósem bolý –

Myń qıyn!

* * *

Ejelden rýh erkindigin erekshe qas­ter tutqan halqymyzdyń asyl dástúr­lerin jańa zamanǵa jarasymdy jalǵas­tyrýymyz qajet.

* * *

Biz keshegisi tuldyr, bolashaǵy buldyr halyq emespiz.

* * *

Babalaryn qaltqysyz qasterleı bil­gen halyq balalarynyń bolashaǵyn da qa­pysy