Túrkistan óńirinde Memleket basshysy Qasym-Jomart Toqaevtyń áskerı mindettilerdi arnaýly jıyndarǵa shaqyrý týraly Jarlyǵynan keıin erikti túrde sapqa turǵysy keletinderdiń qarasy qalyń boldy.
Oblys ákiminiń qaýlysyna sáıkes, óńirde elimizdiń Qarýly Kúshteriniń aýmaqtyq áskerin jasaqtaýǵa 230 azamat shaqyrylǵan. Onyń ishinde oblys ortalyǵy Túrkistan qalasyndaǵy 50 sarbazdan turatyn áskerıler jasaǵyn qala ákimi Rashıd Aıýpov basqarady.
Negizgi maqsaty halyqtyń qaýipsizdigi men densaýlyǵyn qorǵaý jáne qamtamasyz etý bolyp tabylatyn áskerı jasaq qataryna eń úzdikter tańdalǵan. Olar burynǵy desantshylar, motoatqyshlar, jaýyngerlik jáne saıası daıyqtyq úzdikteri. Oblys ákimi О́mirzaq Shókeev syn-saǵatta arnaıy jıynǵa shaqyrylǵan azamattarǵa sáttilik tiledi. Kóshelerde jaıaý patrýldeýge jáne oblysty aınala qorshaı qoıylǵan blok - beketterde qyzmet atqaryp, zalalsyzdandyrý jumystaryna qatysatyn arnaıy jasaqtalǵan sarbazdar búginnen bastap iske kiristi. Olar qajetti kıimmen, ystyq tamaqpen qamtamasyz etilgen. Jumysy bar eriktilerdiń laýyzymy men aılyq jalaqysy saqtalady. Jumys istemeıtinderine memleket esebinen eń tómengi jalaqy mólsheri 42 500 teńgeden tólenedi. Arnaýly jıynǵa shaqyrtylǵan áskerıler turaqty eldi mekenine qyzmet etedi.
Túrkistan oblysy