Sońǵy kezderi fýtboldan Ispanııa La Lıgasynda óner kórsetetin Madrıdtiń «Realynyń» bas bapkeri Zınedın Zıdan men klýb basshylary arasynda túsinispeýshilik týyndap otyr degen aqparat tarady.
Árıne, joǵarydaǵy keleńsiz jaǵdaıdyń qalaı sheshimin tabatyny bizge beımálim. Desek te «Realdan» ketkennniń ózinde Zıdandaı myqty mamannyń jumyssyz qalmaıtyny anyq. Qazirdiń ózinde Italııanyń A serııasynda oınap júrgen «Iýventýstyń» basshylary aıtýly bapkerdi óz qatarlaryna qabyldaýǵa ázir ekenderin baıqatty. Tipten, olar Zınedındi qushaq jaıa qarsy alamyz dep erekshe qushtarlanyp otyr.
Fransııanyń ulttyq quramasy sapynda álem jáne Eýropa chempıony, álem birinshiliginiń kúmis júldegeri atanyp, úsh ret álemniń eń úzdik fýtbolshysy dep tanylǵan 47 jastaǵy Zınedın Zıdannyń bapkerlik kásipte de baǵy jandy. Bul kúnderi «Realdy» jattyqtyryp júrgen ol atalmysh klýbpen birge Chempıondar lıgasyn úsh márte ıelendi. Odan bólek, Zıdannyń tolyp jatqan basqa da ataqtary jeterlik.