Keshe Astanada Damýshy naryqtardyń Eýrazııalyq forýmy óz máresine jetti. Ol týraly arnaıy uıymdastyrylǵan brıfıngte Premer-Mınıstrdiń orynbasary Erbol Orynbaev aıtyp berdi.
Keshe Astanada Damýshy naryqtardyń Eýrazııalyq forýmy óz máresine jetti. Ol týraly arnaıy uıymdastyrylǵan brıfıngte Premer-Mınıstrdiń orynbasary Erbol Orynbaev aıtyp berdi.
Elordada eki kún boıy ótken Damýshy naryqtardyń Eýrazııalyq forýmy óz jumysyn qorytyndylady. Forýmǵa eki júzden astam halyqaralyq sarapshy mamandar qatysty. Damýshy naryqtardyń ǵalamdyq forýmy 2005 jyldan beri ótkizilip keledi. Ol Qazaqstanda birinshi ret uıymdastyrylyp otyr, dedi Úkimet basshysynyń orynbasary.
Forýmǵa tek Parlament pen Úkimet músheleri ǵana emes, alys-jaqyn shetelderden kelgen birqatar saıası tulǵalar, burynǵy memleket, úkimet basshylary, iri halyqaralyq uıymdardyń basshylary men AQSh-tyń, Eýropa Odaǵynyń, Japonııa, Qytaı, Reseı, Belorýssııa, Qyrǵyzstan, Ázerbaıjan, Armenııa, Grýzııa, Latyn Amerıkasy elderiniń bıznes ókilderi qatysqan. Burynǵy memleket jáne úkimet basshylary ishinde Polshanyń eks-prezıdenti Aleksandr Kvasnevskıı, Avstrııanyń burynǵy federaldyq kansleri Alfred Gýzenbaer men Italııanyń eks-premer-mınıstri, Eýropalyq Komıssııanyń prezıdenti Romano Prodı, Izraıldiń eks-premer-mınıstri Ehýd Olmert, sondaı-aq, Bolıvııanyń burynǵy prezıdenti Horho Kıroga bar.
Sharaǵa álemdegi túrli deńgeıdegi halyqaralyq uıymdardyń basshylary keldi. Mysaly, Búkilálemdik bank, Halyqaralyq valıýta qory, Azııa damý banki, BUU DB, Eýropalyq komıssııa, Eýrazııalyq ekonomıkalyq qaýymdastyq, Japonııanyń halyqaralyq yntymaqtastyq boıynsha agenttigi ókilderi de qatysty.
Osynshama halyqaralyq uıymdar atsalysqan forým Eýrazııa qurlyǵynda damyp kele jatqan naryqtardyń bar ekenin dáleldedi jáne Shyǵys pen Batystyń ıntegrasııalyq úrdisin kúsheıtti. Bul mindetti atqarý Ortalyq Azııaǵa, onyń ishinde Qazaqstanǵa júktelgendeı bolyp otyrǵany málim. Sondyqtan, atalǵan forýmnyń Qazaqstanda ótkizilýinde de mán bar. Negizi, eki kúnge jalǵasqan forýmda Elbasy Nursultan Nazarbaevtyń «Qazaqstan-2050» Strategııasyn júzege asyrý máseleleri talqylandy. Shetelden kelgen sarapshy mamandar elimizdiń strategııalyq damý baǵytyna joǵary baǵa berdi, dedi E.Orynbaev.
Memleket basshysynyń tapsyrmalary Qazaqstannyń damyǵan 30 eldiń qataryna ený jobasynyń tujyrymdamasynan kórinis tabady. Al, forýmǵa qaıta oralsaq, sharada túrli qyzý pikirtalastar boldy. О́zara túsinistik sıpattaǵy únqatysý forýmnyń mańyzyn arttyra tústi. Sheteldik mamandardyń aıtqan usynystary nazarǵa alynyp, óz mamandarymyz arasynda arnaıy talqylanatyn bolady, dep aıaqtady sózin Premer-Mınıstrdiń orynbasary.
Nurbaı ELMURATOV,
«Egemen Qazaqstan».