Alqaptyń úshten biri oryldy

Tamyz aıynyń aıaǵyndaǵy jaýyn-shashyn pisip turǵan egindi jınatpaı, dıqandardy biraz ábigerge salǵan edi. Mine, qyrkúıek aıy bastalǵaly ár aımaqta ótkinshi jaýyp ketkeni bolmasa, kóp jańbyr joq. Altyn kúzdiń yzǵary joq jyly jeli jerdi keptirip, kombaınnyń júrýine jaǵdaı jasap-aq tur. Búginge deıin oblystaǵy barlyq egin alqabynyń 35 paıyzy oraqqa ilindi. Mejelep otyrǵan 4,5 mıllıon tonna astyqtyń 1,5 mıllıon tonnasy qambaǵa túsip te úlgerdi. Oblys ákimi Nuraly Sádýaqasovtyń aıtýynsha, eger jaýyn-shashyndy bolyp ketpese, aýdandardyń basym kópshiligi aptanyń aıaǵyna deıin astyqtyń jartysynan astamyn jınap úlgeredi.

Tamyz aıynyń aıaǵyndaǵy jaýyn-shashyn pisip turǵan egindi jınatpaı, dıqandardy biraz ábigerge salǵan edi. Mine, qyrkúıek aıy bastalǵaly ár aımaqta ótkinshi jaýyp ketkeni bolmasa, kóp jańbyr joq. Altyn kúzdiń yzǵary joq jyly jeli jerdi keptirip, kombaınnyń júrýine jaǵdaı jasap-aq tur. Búginge deıin oblystaǵy barlyq egin alqabynyń 35 paıyzy oraqqa ilindi. Mejelep otyrǵan 4,5 mıllıon tonna astyqtyń 1,5 mıllıon tonnasy qambaǵa túsip te úlgerdi. Oblys ákimi Nuraly Sádýaqasovtyń aıtýynsha, eger jaýyn-shashyndy bolyp ketpese, aýdandardyń basym kópshiligi aptanyń aıaǵyna deıin astyqtyń jartysynan astamyn jınap úlgeredi.

Oblystyń ońtústik aýdandarynda jaýyn az bolǵandyqtan, oraq qarqyny da basymyraq. Al jaýyn kóp jaýǵan soltústik aýdandar alqaptyń kebýin amalsyz kútedi, dala kemeleri kibirtikteıdi. Mysaly, Naýyrzym aýdany qazirdiń ózinde barlyq astyq alqabynyń 51 paıyzyn jınap úlgerdi. Al jaýynnan kóz ashpaǵan Fedorov aýdanynda bul kórsetkish nebári 27 paıyzdy ǵana qurap otyr. Oblys boıynsha gektar aınalymy orta eseppen 9,4 sentnerden kelýde.

Al astyqtyń sapasy jó­nin­degi sóz basqa.

– Bıyl jaýyn kóbirek tústi, soǵan qaramaı egindi jıyp-terip alamyz. Bizdiń sharýashylyqtyń alqaptary gektaryna 14 -15 sent­nerden kem berip jatqan joq. Bıyl maıly daqyldyń jyly bolyp tur. Kúnbaǵys, raps, zyǵyr gektaryna 2 tonna­dan aınalady. Ádette, maıly daqyldardy gektaryna 1,5 tonnadan jınaıtynbyz. En­di bıdaıdyń sapasy da jaman­ emes, qamyrlylyǵy 29 paıyzǵa jetedi. Biraq ylǵaly kóp. Kep­tirgishter bar, ony rettep alamyz, – deıdi «Qarqyn» jaýap­kershiligi shekteýli serik­testiginiń dırektory, Qazaq­stannyń Eńbek Eri Saıran Buqanov.

Degenmen, oraq barysy ár sharýashylyqta ártúrli. Aýa raıynyń qubylýy dıqannyń tehnıkasyna da, oraq naýqanyn­daǵy shalymdylyǵyna da syn bolary haq. «Elde bolsa erin­ge tıedi» dep, búkil jurt dı­qandardyń astyǵyn shashaý shyǵarmaı jınap alsa dep kún­niń shýaǵyn tilep otyr.

Názıra JÁRIMBETOVA,

«Egemen Qazaqstan».

Qostanaı oblysy.