Qorǵanys mınıstrliginde kezekti apparattyq keńes ótti. Kún tártibine elimizdiń Qarýly Kúshteriniń tynys-tirshiligindegi sońǵy oqıǵalar men áskerdiń tótenshe jaǵdaı rejımi men aldaǵy mindetterdi qamtamasyz etýi boıynsha keń aýqymdy máseleler endi. Bul týraly mınıstrliktiń baspasóz qyzmeti habarlady.
Tótenshe jaǵdaı rejımi jaǵdaıynda Qorǵanys mınıstri Nurlan Ermekbaev koronavırýsqa qarsy kúrestiń berilgen qarqynyn báseńdetpeýdi, el azamattarynyń qalypty ómirge tez qaıtýy úshin jumysty belsendi ári úılesimdi jalǵastyrýdy tapsyrdy.
Barlyq garnızon bastyqtaryna Qazaqstan Respýblıkasynyń Prezıdenti – Qarýly Kúshterdiń Joǵarǵy Bas qolbasshysy Qasym-Jomart Toqaevtyń tapsyrmasyn oryndaý úshin dezınfeksııaǵa erekshe kóńil bólý týraly nusqaý berildi. Bıoqorǵaý bólimshelerin qamtamasyz etý úshin dezınfeksııalaý quraldarynyń qorlaryn aldyn ala tolyqtyrý birinshi kezekte tur. 19 naýryzdan bastap áskerı qyzmetshiler jalpy aýdany 66 mln sharshy metrden asatyn áleýmettik mańyzdy nysandardy, uzyndyǵy 2 myń shaqyrymnan asatyn jol ýchaskelerin óńdedi.
Áskerı bólimshelerdiń densaýlyǵyn qorǵaýǵa qatysty áskerı bólimderdiń sanıtarlyq-tazalyq jaǵdaıyn jáne jeke quramnyń talaptardy saqtaýyn baqylaýdy kúsheıtý tapsyryldy. Vırýsty juqtyrýǵa qarsy is-qımyldyń sapaly uıymdastyrylýyn Qurlyq áskerleri men Almaty garnızony tótenshe jaǵdaı jáne karantın rejımin qamtamasyz etý jónindegi is-sharalarǵa tartylǵanda kórsetti. Sondaı-aq, sanıtarlyq normalardan bólek, onda áskerı qyzmetshilerdiń baılanystary da ajyratylǵan. Osyǵan səıkes Qurlyq áskerler bas qolbasshysynyń jumysy oń baǵalandy.
Sonymen qatar, keńestiń kún tártibinde aýmaqtyq qorǵanys áskerlerine qatysty is-sharalar da nazardan tys qalmady. Atalǵan bólimsheler Qarýly Kúshterdiń quramyna kiredi. Əskerı mindettilerge jıyndar kezeńinde áskerı qyzmetshilerdiń mártebesi bekitilgen, ıaǵnı áskerı tártipti, sanıtarlyq-profılaktıkalyq jáne epıdemııaǵa qarsy sharalardy saqtaý talap etiledi.
Oryn alǵan oqıǵalarǵa sáıkes áskerı medısınany damytý qajettiligine erekshe nazar aýdaryldy. Medısına qyzmetiniń damý tujyrymdamasyna túzetýler engizý qajet. Álemdegi dəl osy ýaqyttaǵy jaǵdaı naýqastardy, dalalyq juqpaly gospıtaldardy evakýasııalaý úshin avıatehnıkamen ıaǵnı, tikushaqtarmen jabdyqtalǵan arnaıy maqsattaǵy medısınalyq jasaqtardy qurý qajettiligin kórsetti. Erekshe áskerı-medısınalyq mamandar, onyń ishinde travmatologtardyń, jaq-bet hırýrgtarynyń jáne t.b. bolýy erekshe nazar aýdarýdy talap etedi.
Qazirgi ýaqytta Qarýly Kúshterde COVID-19-ǵa testileýge qabiletti vırýsologııalyq zerthanany qurý jónindegi jumysty jandandyrý mańyzdy bolyp otyr.
Budan bólek, áskerı basshylyq Qaraǵandynyń mańynda MıG-31 áskerı ushaǵymen bolǵan apatty muqııat jáne qysqa merzimde tekserýdi tapsyrdy.
Qorǵanys vedomstvosynyń basshysy ushqyshtardyń densaýlyq jaǵdaıyn baqylaýǵa alyp, olardyń otbasylaryna qajetti kómek kórsetýge nusqaý berdi.
Barlyq belgilengen sharalardy oryndaýǵa mınıstr shuǵyl kirisýdi tapsyrdy.