Jeńilistiń de jeńilisi bar

Burnaǵy kúni túnde Astanadaǵy «Astana-Arena» sport kesheninde fýtboldan Qazaqstan men Shvesııa quramalary 2014 jylǵy álem chempıonatynyń irikteý týrnıri aıasynda kezdesti. Eki jaqtyń teń derlikteı deńgeıde ótken kezdesýi qonaqtardyń 1:0 esebimen jeńýimen aıaqtaldy.

Burnaǵy kúni túnde Astanadaǵy «Astana-Arena» sport kesheninde fýtboldan Qazaqstan men Shvesııa quramalary 2014 jylǵy álem chempıonatynyń irikteý týrnıri aıasynda kezdesti. Eki jaqtyń teń derlikteı deńgeıde ótken kezdesýi qonaqtardyń 1:0 esebimen jeńýimen aıaqtaldy.

Teginde, ár nárseniń óz or­ny bar. Biz de tap osy match­ta óz komandamyzdyń uta sala­ty­nyna kámil sene qoıǵan joq­pyz. Jasyratyny ne, oıyn bas­ta­lardyń aldynda jigitterimiz tek iri eseppen jeńilip qalmasa eken dep tiledik. Qalaı degende de, Shvesııa quramasy Shymkenttiń irgesindegi Qarabulaq aýylyndaǵy jurtpen shamalas qana halqy bar Farer araldary emes qoı. Abyroı bolǵanda, jasaǵymyz bul kúni jar­qyl­dap kórinip, qolynan kelgenin jasap-aq baqty.

Kezdesýde alań ıelerin qonaq­tardyń matchtyń 28-sekýndynda gol soǵyp ketkeni de kóp abyrjyta qoımady. Sonyń nátıjesinde olar kóp uzamaı óz baqyttaryn qar­sy qaqpa jaqtan izdeýge shyndap kiristi. Al goldy bizdiń qaqpaǵa Zlatan Ibragımovıch soqty.

Matchta qazaqstandyqtar burysh­tama berýden de qonaqtardan qaly­sa qoımady. Biz olardyń 7 soq­qy­syna 5 buryshtama dobymen jaý­ap qaıtardyq.

Al ekinshi taımnyń basyn­da Qazaqstan quramasy esepti teńes­tirip kete jazdady. Qazaq­stan­dyqtar budan keıin de ashyq belsendilik tanytty.

Kezdesý sońynda biz­diń jigitter taǵy eki qaýipti shabýyl jasady. Aldymen Maqsat Baıjanov shvedter aıyp alańynda ashyq qalyp, dop qabyldady. Biraq ony ura almady. Kelesisinde Dmıtrıı Shomko alystan soqqy jasady. Oıyn osy qalpynda sońyna jetti.

Qazaqta mundaıda «Alýan-alýan júırik bar, áline qaraı shabady» degen qanatty sóz kóbirek aıtylady. Bizdiń jigitter de álderine qaraı shapty. Tym ja­man shapqan da joq. Eýropa týr­nırlerindegi keshegi «Shahter» men «Aqtóbeniń» oıyndary bu­lardy da qamshylaǵan sııaqty. Biz osyǵan súıindik.

Qazaqstan quramasy kelesi oıynyn 11 qazan kúni Farer araldary komandasymen ótkizedi.

Damır QOJAMQUL.

–––––––––––––––––––––

Sýretti túsirgen

Orynbaı BALMURAT.