Erkindik qolǵa tıgeli halyq tym erkinsip ketkenge uqsaıdy. Oılaryna kelgenderin isteıtinderi sondaı, tipti aıtarǵa sóz joq. Kóp qabatty úılerde turatyndar PIK bastyqtarymen aýyz jalasyp alyp oılaryna kelgenin istep jatyr. Munyń arty nege soǵaryn bir qudaıdyń ózi biledi. Mundaı jaǵdaı Qazaqstannyń barlyq óńirinde me, joq álde tek Aqsýda ǵana boı alyp tur ma eken? Zań nege oryndalmaıdy?
Erkindik qolǵa tıgeli halyq tym erkinsip ketkenge uqsaıdy. Oılaryna kelgenderin isteıtinderi sondaı, tipti aıtarǵa sóz joq. Kóp qabatty úılerde turatyndar PIK bastyqtarymen aýyz jalasyp alyp oılaryna kelgenin istep jatyr. Munyń arty nege soǵaryn bir qudaıdyń ózi biledi. Mundaı jaǵdaı Qazaqstannyń barlyq óńirinde me, joq álde tek Aqsýda ǵana boı alyp tur ma eken? Zań nege oryndalmaıdy?
Pavlodar oblysy Aqsý qalasynda kóp qabatty úılerdiń 1-shi qabatyndaǵy bos jerlerdi ıelenip, eshbir aqy-pulsyz tambýr, sklad-bytovka salý keńinen oryn aldy, tipti podezde sheginýge de oryn joq. Balanyń qol arbasyn, shanasyn, velosıpedin qoıatyn oryndardy óz paıdasyna paıdalanyp jatqandaryna jol bolsyn. Qazir úıler halyqtyń jeke menshigi bolǵannan beri bárine de jaýapty PIK bolyp tur, sondyqtan oılaryna kelgenin isteıdi. Árbir PIK-tiń ústelinde «Turmystyq kodeks» kitapshalary bar, tipti sotqa baryp júgingenderge de sol kitapshany kórsetedi. Sotta otyrǵan laýazymdy adamdar PIK bıýdjettik sala emes, ózi sheshedi, biz jaýapty emespiz, turǵyndar qol qoısa bolǵany, ondaı máselemen shuǵyldanbaımyz, dep jaýap beredi.
Al sonda tótenshe jaǵdaılar qyzmeti qaıda qarap otyr? Keńes ókimeti kezinde mundaı tártipsizdikterdiń bárine tyıym salynatyn. Búginde men turatyn úıde podval da joq, ishi belsheden sý. Sol podvaldy qurǵatyp, turǵyndardyń qoldanýyna usynýdyń ornyna PIK bastyǵy tyǵyryqty jaǵdaıdan qutylýdyń joly dep, 1-shi qabattaǵy baspaldaqtyń qýysyn berip otyr. PIK bastyqtaryn kóshede turyp aıqaılap, qol kóterip saılaý degen ne sumdyq? Kóp qabatty úılerdiń 1-shi qabatyndaǵy bos jerdi, baspaldaq qýystaryn turǵyndardyń qol qoıýymen áldekimniń jeke menshigine aınaldyrýyna jol bermeý kerek. Ár nárseniń reti, qısyny bolýy tıis. Bizdiń aıtpaǵymyz da osy.
Baqash QAHARMAN.
Pavlodar oblysy,
Aqsý qalasy.