«Biz birgemiz!» Osyndaı ataýmen jergilikti ónerpazdar kókshetaýlyq turǵyndarǵa aýlada konsert uıymdastyrdy.
30 mınýttyq sharada ártister ártúrli taqyryptaǵy ádemi ánderdi shyrqap, qyzyqty sáttiń qabaǵyn balkonnan baqqan tyńdarman qaýymdy tánti etti. Úıde buıyǵyp otyrǵan kóp kóńili bir serpilip qaldy.
Sońǵy ýaqytta jerlesteriniń jan-dúnıesin baýrap, rýhanı azyq syılaý úshin qalalyq mádenıet jáne tilderdi damytý bóliminiń qyzmetkerleri túrli sharalar uıymdastyrýda. Kóbine qart adamdar turatyn aýlalar tańdalyp alynýda.
–Bul óte jaqsy bastama. Úıde qamalyp otyrý qıyn. Barlyǵymyz birge bul indeti jeńip shyǵamyz degen oıdamyz,–deıdi qalalyq mádınet jáne tilderdi damytý bóliminiń jetekshisi Aıgúl Sábıtova.
О́nerpazdardyń ónerlerine razy bolǵan turǵyndar aq alǵystaryn jaýdyrýda. Olardyń arasynda birge qosyla án shyrqaǵandar da, konsertti vıdeoǵa túsirgenderi de bar. Uıymdastyrýshylardyń aıtýynsha, osyndaı formattaǵy konserttik sharaǵa degen suranys kóbeıip keledi. Aldaǵy ýaqytta Uly Otan soǵysynyń ardagerleri turatyn úılerdiń aýlasynda da dál osyndaı baǵdarlama uıymdastyrylmaqshy.