Qazaqstan Respýblıkasy Densaýlyq saqtaý mınıstriniń 2020 jylǵy 21 sáýirdegi №243 buıryǵyna sáıkes Shárip Berik Sháripuly «SQ-Farmasııa» JShS-iń basqarma tóraǵasy bolyp taǵaıyndaldy. Ol 2018 jyldyń mamyr aıynan bastap kompanııa basqarmasy tóraǵasynyń orynbasary qyzmetimen qatar «SQ-Farmasııa» JShS basqarma tóraǵasynyń mindetin atqarýshy qyzmetin atqardy, dep habarlady Densaýlyq saqtaý mınıstrliginiń baspasóz qyzmeti.
Eńbek jolyn Astana qalasy boıynsha qalalyq jedel medısınalyq járdem stansııasynyń kóshpeli brıgadasynyń feldsheri retinde bastaǵan, Astana qalasynyń Birinshi qalalyq aýrýhanasynyń hırýrgııa bólimshesiniń, JITS-pen kúres ortalyǵynyń dárigeri bolǵan. Astana qalasy men OQO densaýlyq saqtaý departamentterindegi ártúrli pozısııalarda jumys istedi. 2009 jyldan 2012 jylǵa deıin «SQ – Farmasııa» JShS basqarýshy dırektory-basqarma múshesi, 2012 jyldan 2017 jylǵa deıin – «Prezıdent Is basqarmasy Medısınalyq ortalyǵynyń aýrýhanasy» RMK strategııalyq damý jónindegi bas dárigerdiń orynbasary mindetterin atqardy. 2017 jyldyń tamyz aıynan bastap 2018 jyldyń mamyr aıyna deıin Qazaqstan Respýblıkasy Densaýlyq saqtaý mınıstrligi Qoǵamdyq densaýlyq saqtaý komıteti tóraǵasynyń orynbasary bolyp jumys istedi. Berik Shárip 1981 jyly týǵan. 2004 jyly Qazaq memlekettik medısınalyq akademııasyn emdeýshi, dáriger-hırýrg mamandyǵy boıynsha bitirip shyqty, 2009 jyly Qaztutyný odaǵynyń Qaraǵandy ekonomıkalyq ýnıversıtetinde «Ekonomıka salasyndaǵy quqyqtyq retteý» mamandyǵy boıynsha zańtaný bakalavry dárejesin aldy.
2012 jyly Halyqaralyq bıznes akademııasynda Iskerlik ákimshilik magıstri, MBA dárejesin aldy. DBA-Reseı halyq sharýashylyǵy jáne Memlekettik qyzmet akademııasy (2016) jáne European university Business School, Switzerland 2017 jyly iskerlik ákimshiliktendirý doktorynyń dárejesine ıe boldy.