19 sáýir kúni saǵat 16:00 shamasynda Qyzylorda qalalyq Polısııa basqarmasynyń Jedel basqarý ortalyǵynyń ınspektory polısııa leıtenanty Nurlan Qarlybaev, Ulttyq ulan sarbazdary Kırıll Losıskıı men Nııaz Dáýlet qyzmet atqarý barysynda Táýelsizdik dańǵylyndaǵy kópqabatty turǵyn úıdiń 2 qabatyndaǵy balkonnan qalyń tútindi baıqaıdy.
Olar bul oqıǵa jaıly shuǵyl habarlap, turǵyndardy qaýipsiz jerge shyǵardy. О́rt sóndirýshiler kelgenge deıin jalyndy óshirýdiń amalyn jasaıdy.
Polısııa qyzmetkerleri men sarbazdardyń osy jedel de batyl sheshimi arqasynda órt saldarynan eshkim zardap shekken joq. Qazir oqıǵanyń mán-jaılary anyqtalýda.
Úı turǵyndary ózderine der kezinde kómekke kelgen tártip saqshylary men sarbazdarǵa alǵystaryn jaýdyrdy.