О́kinishke qaraı, Almaty oblysynda koronavırýspen aýyrǵandar saǵy taǵy 3 adamǵa artty.
Bul jaıynda oblysy ákiminiń baspasóz qyzmeti habarlady. Úsh naýqas ta Ile aýdanynyń ortalyǵy О́tegen batyr kentinen anyqtalǵan eken.
- Búgin Ile aýdanynyń aýmaǵynda 1967, 1975 jáne 1999 jyly týǵan azamattardyń murnynan alynǵan jaǵyndy men ınfeksııaǵa qarsy tapsyrǵan analızderiniń nátıjesi oń bolyp shyqty. Qazir olardy Qarasaı aýdandyq ortalyq aýrýhanasynyń ınfeksııalyq bólimine jetkizý jumystary uıymdastyrylýda. Naýqastardyń jalpy sany 232 adammen, sonyń ishinde 13-imen úı ishinde, 219 adammen jumysta jáne syrtta qarym-qatynasta bolǵany anyqtaldy. Olardyń barlyǵy qazir dárigerlerdiń baqylaýyna alyndy, - deıdi Almaty oblysy ákiminiń baspasóz qyzmeti taratqan resmı habarda.
Jalpy, osy sátke deıin oblysta koronavırýspen aýyrǵandar sany 53 adamǵa jetip, 9 naýqas indeten jazylyp shyqty.
Almaty oblysy