Búgin Almaty qalasynyń bas dárigeri de aýysqany resmı málim boldy. Osy qyzmetti 2019 jyldyń qarashasynan beri atqaryp kelgen Tileýhan Ábildaev qyzmetinen óz erkimen ketti. Biz buǵan deıin de koronavırýstyq ınfeksııa juqtyrǵandarmen tikeleı baılanysta bolǵan Tileýhan Ábildaevtyń ózin ózi oqshaýlap, kabınetinde qonyp júrgeni týraly habarlaǵan edik...
Qazirgi kúnderi Almatyda COVID-19 dıagnozy ókinishke oraı, dál medısına qyzmetkerleriniń arasynda beleń alyp turǵany aıan. Almatyda 21 sáýirde koronavırýstyq ınfeksııa juqtyrýǵa baılanysty 669 oqıǵa tirkelse, onyń basym bóligi dárigerlerdiń ózinen tabylyp otyr.
Osyǵan keleńsiz jaǵdaılardyń oryn alýyna baılanysty taıaý kúnderi Almaty qalalyq taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaqasymova da qyzmetinen ketken bolatyn.
Endigi jerde Almaty qalalyq qoǵamdyq densaýlyq saqtaý basqarmasy basshylyǵyna QR Densaýlyq saqtaý vıse-mınıstri syndy laýazymdy qyzmet atqaryp kelgen Kamaljan Nadyrov taǵaıyndaldy.