Eýropadaǵy eń belsendi Etna janartaýy ótken jumadan bastap atqylaı bastaǵan. Euro Weekly News málimetterine súıensek, janartaý 2013 jyly IýNESKO-nyń búkilálemdik muralar tizimine alynǵan.
Shamamen bes metrge deıin qýatty jalyn aspanǵa kúrt laýlaǵanda aımaqtyń seısmıkalyq belsendiligi arta túsken. Al jalynnan shyqqan tútindi 30 shaqyrym qashyqtyqtan baqylaýǵa bolady. Janartaý Sısılııa portynyń Katanııa qalasyna jaqyn jerde ornalasqan. Jergilikti bılik janartaýdyń oıanýynan jergilikti turǵyndardyń ómiri men múlikterine qaýip joq ekendigin aıtady.
Sonymen qatar, koronavırýstyq pandemııaǵa baılanysty qyzmeti shektelgen Katanııa halyqaralyq áýejaıynyń jumysyna da kedergi jasamaıdy. Etna janartaýy 2700 jyl boıy belsendi. Onyń eń qatty belsendi kezeńi 2018 jáne 2019 jyldarda tirkelgen.