Memleket eshkimdi kómeksiz qaldyrmaıdy

Sonyń biri tabysynan aıy­rylǵan azamattarǵa eń tómengi jalaqy mólsherinde qoldaý kórsetilgenin aıtýǵa bolady. Aıta­lyq elimizde 3,7 mln-ǵa jýyq adamǵa Memlekettik áleý­met­tik saqtandyrý qorynan tóten­she jaǵdaı kezinde tabysy­nan aıyrylýyna baılanys­ty tó­lem­der taǵaıyndaldy. 20 sáýir­degi jaǵdaı boıynsha 42 500 teńgelik tólemge 7 mln 990 myń adam ótinish bergen.

Biregeı ótinishterdiń eń kóp sany Almaty oblysynda tirkeldi. Bul oblystyń 1 mln turǵyny jańa tólemdi alý­ǵa nıet etipti. Dál osylaı­sha Túrkistan oblysynda 990,7 myń adam, Almaty qala­synda 892,8 myń, Nur-Sul­tan qalasynda 590,8 myń, Shymkent qalasynda 532,2 myń adam ótinish bergen. Al óńirler boıynsha Almaty oblysynyń turǵyndaryna járdemaqy eń kóp taǵaıyndalǵan. Naqtyraq aıtsaq, Almaty oblysynda – 534,1 myń adam, Túrkistan oblysynda – 436,6 myń, Almaty qalasynda 364 myń turǵyn atalǵan tólemge qol jetkizgen.

Budan bólek zeınetaqy men járdemaqy ındeksasııalandy. Memleket basshysynyń tapsyrmasyna sáıkes, Eńbek jáne halyqty áleýmettik qorǵaý mınıstrligi zeınetaqylar men memlekettik járdemaqylardy jyl­dyq turǵyda 10 paıyzǵa ın­deksasııalaýdy júrgizdi. Osy­­laısha 2020 jyldyń 1 sáýi­ri­nen bastap zeınetaqynyń eń tómengi mólsheri 40 441 teń­ge­ni qurady. Endi el azamatta­ry kóterilgen zeınetaqy men jár­demaqysyn mamyrdyń tólem­derimen qosyp birge alady.

Memleket tarapynan beri­l­etin taǵy bir kómek – kommý­nal­dyq tólemderge aı sa­ıyn tólenetin 15 myń teńge. Bul tólem barlyq azamatqa birdeı berilmeıdi. Indýstrııa jáne ınfraqurylymdyq damý mınıstrliginiń málimetinshe, karantın engizilgen óńirlerde ákimdikter tutynýshylardyń derbes (abonenttik) shottaryna eki aı boıy 15 myń teńge­den aýdaryp otyrady. Mem­lekettik organdardyń usynysy negizinde tólem alýshylardyń kelesi sanattary aıqyndalǵan. Atalǵan sanatqa kiretin azamat­­tar tólemdi alý úshin aqpa­rat­tyq júıeler nemese call-ortalyqtar arqyly jeke sáı­kes­tindirý nómirin, áleý­mettik dárejesin jáne derbes shot derekterin kórsete otyryp, ákimdikke ótinim berýi kerek.

Tótenshe jaǵdaı kezinde tur­­mystyq qıyndyqqa ushy­raǵan azamattarǵa azyq-túlik jıyn­tyǵy beriledi. Búgin­de mun­daı kómek alatyn adam­dardyń sany 1,2 mln-ǵa jetip otyr. Iаǵnı kóp balaly otbasylar, barlyq toptaǵy múgedekterdi qosa alǵanda, ataýly áleýmettik kómek alatyn az qamtylǵan azamattar, múgedek balanyń kútimimen otyrǵan ata-analar, sonymen qatar jumyspen qamtý organdarynda jumyssyz retin­de resmı tirkelgen tul­ǵalar osy kómekti alyp jatyr. Olarǵa barlyq óńirde azyq-túlik jıyntyǵy nemese azyq-túlik jıyntyǵyna arnalǵan qarajat túrinde (4 aılyq eseptik kórsetkish kóleminde) berilýde.

Qazaqstan Prezıdenti Qasym-Jomart Toqaevtyń dári­gerlerdi qoldaý týraly tap­syrmasyna sáıkes Úkimet ar­naıy sheshim qabyldap, me­dı­­sına qyzmetkerleri ju­mysynyń qaýiptiligine qaraı 3 topqa bólindi. Birinshi top – reanımasııa bólimderimen qosa alǵanda juqpaly aýrý­lar stansıonarlarynyń dári­gerleri, orta jáne kishi medısına qyzmetkerleri. Olardyń jalaqysyna ústemeaqy aıyna 850 myń teńgeni quraıdy. Iаǵnı ortasha aılyǵyn qosqanda, olar aıyna shamamen 1 mln teńgeniń ústinde alady. Ekinshi top – provızorlyq stasıonar men jedel járdem qyzmetteriniń dárigerleri, orta jáne kishi medısına qyzmetkerleri. Olar­dyń ústemeaqysy aıyna 425 myń teńge bolady. Ortasha aılyǵyn qosqanda olar aıyna shamamen 600 myń teńge alady. Úshinshi topqa karantındik stasıonar dárigerleri, orta jáne kishi medısına qyzmetkerleri, sanıtarlyq dárigerler, jedel járdem júrgizýshileri jáne taǵy basqalary kiredi. Olar aıyna 212 myń teńge ústeme­aqyny qosqanda, shama­men 380 myń teńge alady. Son­­daı-aq medısına qyz­met­ker­leri­niń densaýlyǵy men ómi­rin saqtandyrý máselesi de py­syq­talǵan. Olar aýyryp qal­ǵan jaǵdaıda 2 mln teńge mól­sherinde saqtandyrý tólemi beri­ledi. Qudaı saqtasyn, bi­raq me­dı­sınalyq qyzmetker qaı­tys bolǵan jaǵdaıda 10 mln teń­ge mólsherinde tólemaqy beriledi.

Sondaı-aq «Turǵynúıqu­rylysjınaqbanki» 2020 jylǵy 16 naýryzdan keıin ótelýi tıis tólemdi 90 kúnge shegerýge múmkindik berdi. Shegerilgen tólemge negizgi qaryz da, nesıe syıaqysy da kiredi. Sonymen qatar 2020 jylǵy 16 naýryz ben 16 maýsym aralyǵynda ýaqtyly ótelmegen tólemder boıynsha aıyppul jáne ósim­pul da qosylmaıdy.