Bul týraly Bilim jáne ǵylym vıse-mınıstri Mıras Dáýlenov onlaın-konferensııada aıtty. Buǵan deıin habarlaǵanymyzdaı, elimizdegi joǵary oqý oryndary 16 naýryzdan bastap qashyqtan oqytýǵa kóshti. Osyǵan oraı mınıstrlikte birqatar ýnıversıtetterdiń rektorlarymen dıplomdyq jumystardyń qorǵalý jaıy talqylandy.
Mınıstrdiń orynbasary eger karantındik shekteýler alynbasa, onda dıplomdyq jumystar qashyqtan qorǵalatynyn jetkizdi. О́ıtkeni, onyń aıtýynsha, stýdentter dıplomdyq jumystaryn aqpan-naýryz aılarynda aldyn-ala qorǵaǵan bolatyn. Demek, negizgi jumys atqaryldy. Sondyqtan dıplomdyq jumystardy tótenshe jaǵdaıda qashyqtan qabyldaýǵa ábden bolady.